ରାତି ପାହିବା ଆଗରୁ
ରାତି ପାହିବା ଆଗରୁ
ରାତି ପାହିବା ଆଗରୁ ଆସ ଥରେ
ନିରୋଳାରେ ବସି ଗପ-ସପ କରିବା
ଅଲୋଡା ମୁହୂର୍ତ୍ତ ମାନଙ୍କ ସହ ,
ମନେଇ ନେବା ଆମେ-ଆମକୁ
ବୁଝାମଣା ସ୍ବାକ୍ଷରରେ
ଝୁଲୁଥିବା ତାରା ମାନଙ୍କୁ
ଛାତି କରୋଡରେ ।
ହୁଗୁଳା କରିଦେବା
ଆମେ-ଆମର
ମନ ଓ ଦେହ
ପାଦ ତଳର ଆକାଶକୁ,
ହାଇ ମାରି ମାରି ବ୍ଯସ୍ତ ହୋଇ ପଡୁଥିବା
କ୍ଳାନ୍ତ ଶରୀରକୁ ।
ଧୋଇଦେଇ ସତେଜ କରିଦେବା
ଆମେ- ଆମକୁ
ଜହ୍ନ ଆଲୁଅରେ
ଓଠ ଫାଙ୍କରୁ ଝରୁଥିବା
ଶୁଖିଲା ହସ ଆଉ
ଆମ ପାହାନ୍ତି ସପନକୁ ।
ଡଃ ଶିବ ପ୍ରସାଦ ତ୍ରିପାଠୀ
ସ୍ମୃତି ନିଳୟ, ଉଦୟ ନଗର
ଷ୍ଟେସନ ରୋଡ, ବଲାଙ୍ଗୀର (ଓଡିଶା)