ପୁରୁଣା ଚିଠିଟିଏ
ପୁରୁଣା ଚିଠିଟିଏ
ନୂତନ ଦିନରେ ପୁରୁଣା ଚିଠିର
ଆବୃତ୍ତି ଦେଉଛି ଦୁଃଖ,
ତଥାପି ତ ସେଇ ବିଗତ ଦିନ ମୋ
ଝରିଗଲେ ଦିଏ ସୁଖ।
ବିଦେଶ ରାଇଜେ ଲେଖେ ଯେବେ ରହି
ମା'ଙ୍କ ପାଖକୁ ମୁଁ ଚିଠି,
ଲେଖିଥାଏ ନିତି ହୃଦୟର କଥା
ସେନେହ ଅଛି ଯେଉଁଠି ।
ଦିନକର କଥା ମନେପଡେ ମୋର
ଲେଖିଥିବା ଚିଠି ପ୍ରଥା,
ମା'ତୁମ ମିଠା ମଧୁର ମିଛଟି ସତେ
ଲାଗୁଥିଲା ସତ କଥା ।
ଯେତେବେଳେ ତୁମେ ମିଛରେ ମିଛରେ
କହୁଥିଲ ମୋତେ କିଛି,
ସତ ଭାବି ମୁହିଁ ତୁମରି ପଣତେ
ଯାଉଥିଲି ମୁହିଁ ଲୁଚି।
ଯଦି କେବେ ରାତି ନୀରବ ପ୍ରହରେ
କାନ୍ଦି ଉଠେ ରାହାଧରି,
ନ ଶୋଇବାକୁ ଅଝଟ କରିଲେ ମୁଁ
କୋଳକୁ ନିଅ ଯେ ଧରି ।
ତୁମରି କୋଳରେ ଶୋଇଗଲେ ମା
ରାଜ ସୁଖ ଏତ ଭାଗେ,
ଦୁନିଆର ଯେତେ ସୁଖ ଥିଲେ ଥାଉ
ସବୁ ମୋତେ ତୁଚ୍ଛ ଲାଗେ ।
ଛନ୍ଦ କପଟର ସଂସାରରେ ତୁମେ
ସତେ କେତେ ଶାନ୍ତି ମୟ,
ସୁଖ ସନ୍ତୋଷରେ ଭରିଦିଅ ମାଗୋ
କରିବି ଜଗତ ଜୟ ।
କଲ୍ୟାଣମୟୀ ମା' ପ୍ରେମମୟୀ ତୁମେ
ସୁନ୍ଦର ସେ ଅନୁଭବ ।
ସାଇତି ରଖିଛି ହୃଦୟେ ସେସବୁ
ଭୁଲ୍ ଥିଲେ କ୍ଷମା ଦେବ ।
◆ କେ.ନିର୍ମଳ
◆ ଭଦ୍ରକ, ବାସୁଦେବପୁର(ଜଗନ୍ନାଥି)
◆ ମୋବାଇଲ୍:-୯୫୬୬୧୧୩୬୦୭
◆ Gmail:- nirmaln270@gmail.com