ପୂଜନୀୟ ପିତା
ପୂଜନୀୟ ପିତା
କୌଣସି ବ୍ୟକ୍ତି ପାଇଁ ସର୍ବପ୍ରିୟ ହେଲେ ନିଜ ପିତାମାତା,
ଏହି ଅପୂର୍ବ ଅବଦାନ ବିଧିପୂର୍ବକ ସମସ୍ତଙ୍କୁ ଦେଇଛନ୍ତି ବିଧାତା |୧|
ଜୀବନରେ ବୋଉ ସନ୍ତାନର ଲାଳନପାଳନ କରନ୍ତି,
ବାପା ସନ୍ତାନର ସମସ୍ତ ପ୍ରକାର ସୁରକ୍ଷା ପରୀକ୍ଷା କରନ୍ତି |୨|
ସଦା ଆଦରଣୀୟ ହେଲେ ଜନକ,
ସନ୍ତତି ହିତ ହେତୁ ସବୁ ପ୍ରୟାସ ଯେ ପ୍ରେରଣାଦାୟକ |୩|
ସହର୍ଷ ସହନ୍ତି ଘର ବାହାରେ ବିଭିନ୍ନ ସଙ୍ଘର୍ଷ,
ଯାହା ହେଲେ ବି ସଦା ବ୍ୟକ୍ତ କରନ୍ତି ନିଜ ହର୍ଷ |୪|
ବାତ୍ସଲ୍ୟ ଜଣାଏ ଦେଖାଏ ତାଙ୍କ ସଂସ୍ପର୍ଶ ପରାମର୍ଶ,
ବାଦ-ବିବାଦ ପରିସ୍ଥିତିରେ ତାଙ୍କର ସହିଷ୍ଣୁତା ବହୁ ଉତ୍କର୍ଷ |୫|
ଆଣନ୍ତି ହାଟରୁ ଖାଇବା ପାଇଁ ବିଭିନ ଖାଦ୍ୟାନ୍ନ ମିଷ୍ଟାନ୍ନ,
ତେଜରାତି ଦୋକାନର ଜିନିଷପତ୍ର ଆଣିଲେ ବୋଉ ରାନ୍ଧନ୍ତି ଯେ ସ୍ୱାଦିଷ୍ଟ ଅନ୍ନ ପକ୍ବାନ୍ନ |୬|
ନିଅନ୍ତି ଘର ସଂସାରର ସବୁ ଆର୍ଥିକ ନିର୍ଣ୍ଣୟ,
ପ୍ରତି କଥାର ପୁଙ୍ଖାନୁପୁଙ୍ଖ ପରୀକ୍ଷା କରିବାରେ ବେଶ୍ ସକ୍ରିୟ |୭|
ଶିଖାନ୍ତି କଷ୍ଟ ସ୍ଥିତିରେ ସଦା ରହିବାକୁ ନିର୍ଭୀକ,
ଜଣାନ୍ତି ସର୍ବଦା ରହିବାକୁ କ୍ରିୟାଶୀଳ କ୍ରିୟାତ୍ମକ |୮|
ପୂଜନୀୟ ପିତା ବିନା ଜୀବନ ହୁଏ କଷ୍ଟକର,
ତାଙ୍କର ମଙ୍ଗଳ କାମନା କରିବା ଘର ପାଇଁ ସଦା ଶ୍ରେୟସ୍କର |୯|