ଆଜିର ରଜଦୋଳି ଗୀତ
ଆଜିର ରଜଦୋଳି ଗୀତ
1 min
6.9K
ବନସ୍ତେ ନ ଡାକେ ଗଜ
ବନସ୍ତେ ନ ଡାକେ ଗଜ
ମହା ବିପଦରେ ଏବେ ଗଜରାଜ
ଏବେ ଗଜ ରାଜ ବଉଳ ଲୋ
କେମିତି ପାଳିବା ରଜ ।
ରଜ ଦୋଳି କଟ କଟ
ରଜ ଦୋଳି କଟ କଟ
ରତନ ଭଣ୍ଡାର ମୁକୁଳା କବାଟ
ମୁକୁଳା କବାଟ ବଉଳ ଲୋ
ଚୋର ଖୋଜେ ଗଳା ବାଟ ।
ରଜ ଦୋଳି ଗଲା ଉଡି
ରଜ ଦୋଳି ଗଲା ଉଡି
ମୌସୁମୀ ଆସିଲା ମୌସୁମୀ ଗଲା
ମୌସୁମୀ ଗଲା ବଉଳ ଲୋ
ଚାଷୀ ପୁଅ ମଲା ହୁଡ଼ି ।
ରଜ ଦୋଳି ବଡ ସାନ
ରଜ ଦୋଳି ବଡ଼ ସାନ
ବିପଦ ରେ କାଳେ କନ୍ୟା ସନ୍ତାନ
କନ୍ୟା ସନ୍ତାନ , ବଉଳ ଲୋ
ଉଜୁଡା ମାନ ସମ୍ମାନ ।
ରଜ ଦୋଳି ବଡ ଆଣ୍ଟ
ରଜ ଦୋଳି ବଡ ଆଣ୍ଟ
ରତ୍ନ ବେଦୀ ବିଜେ କଳା ସାଆନ୍ତ
କଳା ସାଆନ୍ତ ବଉଳ ଲୋ
ଆଖି ଖୋଲି ଦେଖେ ନାଟ ।
********
© ବିଦ୍ୟୁତପ୍ରଭା ଗନ୍ତାୟତ