Library
ଶୁଭ ବିବାହ
ଶୁଭ ବିବାହ
ଦୁଇଟି ଅତ୍ମାର ପବିତ୍ର ମିଳନ
ବିବାହର ରୂପ ରେଖ ;
ଶୁଭ ଲଗନରେ ସାହାନାଇ ବାଜେ
ଫେରେ ଅଫେରନ୍ତି ସୁଖ !!
ବେଦୀ ମୂଳେ ସ୍ୱପ୍ନ କରେ ଆକଳନ
ନିରିମାଖି ନଵ ବଧୂ ;
ଓଢ଼ଣୀ ଫାଙ୍କରେ ଚାହେଁ ସରାଗରେ
କେମିତିକା ପ୍ରାଣ ବନ୍ଧୁ !!
ହୋମ ଅଗ୍ନି ସାକ୍ଷୀ ପତି ଦେବ ସାଥୀ
ବେଦ ମନ୍ତ୍ର ଉଚାରଣେ ;;
ଜନ୍ମଜନ୍ମାନ୍ତର ପବିତ୍ର ବନ୍ଧନ
ମନ ପ୍ରାଣ ସବୁ ଜିଣେ !!
ସୁହାଗ ସିନ୍ଦୁର ପ୍ରୀତିର ସ୍ୱାକ୍ଷର
ବିବାହର ପୁଣ୍ୟ ଦାନ ;
ଲଳନାଟା ସାଜେ କୁଳ ବଧୂ ସତେ
ସମର୍ପି ତା' ଯଉବନ !!
ନୂଆ ସ୍ୱପ୍ନ ଦେଖି ଯାଏ ମନଲାଖି
ଦୁହେଁ ତ ଦୁହିଁଙ୍କ ପାଇଁ ;;
ସୁଖ ଗନ୍ତାଘର ସପନ ଆଖିର
ହୃଦୟକୁ ଦିଏ ଛୁଇଁ !!
ଅଜଣା ଠିକଣା ହୋଇଯାଏ ଯୋଡ଼ି
ହୃଦୟର କଥା କହି ;
ବିବାହ ସମ୍ବନ୍ଧ ସତରେ ବିଚିତ୍ର
କିଏ ସେ ଲେଖିଛି ବିହି !!
ସାଥୀ ପ୍ରିୟତମା ଭୁଲିବନି ଜମା
ମହାର୍ଘ୍ୟ ତିଥିର ସ୍ମୃତି ;
ଆମେ ହଜିଗଲେ ସାବକ ଝୁରିବେ
ଅଲିଭା ଏ ପ୍ରେମ ଜ୍ୟୋତି !!
ଏଶୁଭ ବିବାହ ସୁନା ନୀଡ଼ ସ୍ୱପ୍ନ
ଆମେ ତ ଝୁରିବା ସଦା ;
ସାବକେ ଆମର ପିଢ଼ି ସୂତ୍ର ଧର
ପାଳିବେ ଆମର ପ୍ରଥା !!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ସଦାନନ୍ଦ ସାହୁ ; କାରାକର୍ମଚାରୀ; ସର୍କଲ ଜେଲ୍ ; କଟକ ;ଚୌଦ୍ୱାର ;
