ନନା (ବାପା) ବୋଉ (ମା )
ନନା (ବାପା) ବୋଉ (ମା )
ତୁମେ ମନେପଡ଼ ଦୁଃଖର ଦିନରେ
ଆଖିରେ ଭରିଲେ ଲୁହ
ତୁମେ ମନେପଡ଼ ଅମi ଅନ୍ଧାରରେ
ହୃଦୟେ ପୁରିଲେ କୋହ (1)
ତୁମେ ମନେପଡ଼ ବରଷା ରାତିରେ
ବିଜୁଳି ଚମକି ଗଲେ
ତୁମେ ମନେ ପଡ଼ ଶୀତ ସକାଳ ଟା
କୁହୁଡିରେ ଭରିଗଲେ (2)
ତୁମେ ମନେପଡ଼ ଗାଁକୁ ଫେରିଲେ
ଖାଲି ଖାଲି ଘର ଦେଖି
ଖାଲି ପୂଜା ଘର ଖାଲି ହାଣ୍ଡି ଶାଳ
ନୀରବତା ତାର ସାକ୍ଷୀ (3)
ସଞ୍ଜ ସକାଳରେ ଚଉରା ମୂଳରେ
ଖୋଜେ ତୁମେ ଚାରିଆଡେ
କାହିଁକି କେଜାଣି ଦୂର ପ୍ରବାସରେ
ତୁମ କଥା ମନେ ପଡେ (4)