ଠାକୁର ଦର୍ଶନ

ମନ୍ଦିର ଯାଇଥିଲି ଠାକୁରକୁ ଟିକେ ଦର୍ଶନ କରିବାକୁ

ଭାବବିହୋଳ ହୋଇଗଲି ଦେଖି ତାର ବେଶବୁଶାକୁ।

ପଲକ ନ ପକାଇ ଚାହିଁ ରହିଲି ତାର ବେନିନୟନକୁ

ତାର ଦୁଇ ଆଖିରେ ଦେଖିଦେଲି ସୂର୍ଯ୍ୟ ଆଉ ଚନ୍ଦ୍ରକୁ ।

ଭକତିରେ ତାର ବିଭୋର ହୋଇ ବ୍ୟାକୁଳ ମିନତି କଲି

ତାର ଅପଲକ ନୟନ ଦେଖି ମାଗିବାକୁ ସବୁ ଭୁଲିଗଲି।

ଚନ୍ଦନ ଆଉ ତୁଳସୀର ବାସରେ ସେତ ମହକିଗଲା

ଧାର ଧାର ଆଖିର ଅଶ୍ରୁରେ ପଣତ ମୋର ଭିଜିଗଲା ।

ଚାରିଆଡେ ଖାଲି ପ୍ରକମ୍ପିତ ହରିବୋଲ ହୁଳହୁଳି 

ଯୋଡ ହସ୍ତରେ ଦିଅନ୍ତି ସର୍ବେ କେତେ ଯେ କରତାଳି ।

ଭାଇ ଭଉଣି ସହିତ ସିଏ ରତ୍ନବେଦୀ ରେ ବସିଛି 

ଘଡିକୁ ଘଡିଏ ସିଏ କେତେ ନୂଆ ନୂଆ ବେସ ହେଉଛି ।

ସେ ଆଉ କେହି ନୁହେଁ ସେ ଦୟାମୟ ନିଳାଚଳ ଆଦିକନ୍ଦ

ଅନାଦି ଅନନ୍ତ କମଳକାନ୍ତ ଜାଣିଥାଏ ସିଏ ଜଗତର ଭଲମନ୍ଦ ।

ଭକତ ବାନ୍ଧବ ହରି ଭାବକୁ ନିକଟ ଅଭାବକୁ ଦୂର କରି

ମହମହ ଚନ୍ଦନ ତୁଳସୀର ବାସରେ ଚତୁର୍ଦିଗେ ତାର ଭରି ।