ଜହ୍ନ ଫିକିଫିକି, ତାରା ଧିକିଧିକି

ଜହ୍ନ ଫିକିଫିକି, ତାରା ଧିକିଧିକି

 

ଆଭାକାନ୍ତ ମହାନ୍ତି

 

ଜହ୍ନ ଫିକିଫିକି, ତାରା ଧିକିଧିକି

       ମଧୁଝରା, ମୋହଭରା

ହୋଇଲେ ପୂନେଇଁ, ଆମ ଗାଆଁ ନଈ

       ଲାଗେ ହାର ମିନାକରା । ୦ ।

 

ଅଜଣା ଠେକରେ ଆଉଜାଇଦେଇ

       ଅସରନ୍ତି ଚିନ୍ତା ଜୁଆର,

ବିଞ୍ଚେ ଅଫୁରନ୍ତ ପ୍ରେମର ପରାଗ

       ସରଗ ନିୟତ ଫୁଆର,

ବିଭୋର କରାଏ ବାଉଳା ମନକୁ

       ଦେଇ ଶାନ୍ତି ବୋଲକରା । ୧ ।

 

ଅଳପ ହେଉ ବି ଅଳସ ମୁହୂର୍ତ୍ତ

       ଆନନ୍ଦେଇଦିଏ ପରାଣ,

ମିଠା ମିଠା ଲାଗେ ଧଇର୍ଯ୍ୟ-ପଠାରେ

       ସବୁ ସଂସାରିଆ କାରଣ,

ଗତାନୁଗତିକ ଜୀବନ ପ୍ରତୀକ

       ପୁଣି ଛୁଏଁ ପ୍ରୀତିଧାରା । ୨ ।

 

ନୂଆସାହି, ବିଡ଼ାନାସୀ

କଟକ-୭୫୩୦୧୪

ଫୋନ୍-୯୦୪୦୦୦୩୧୦୧

*****