ସ୍ୱଭାବ କବି ଗଙ୍ଗାଧର ମେହେର
ସ୍ୱଭାବ କବି ଗଙ୍ଗାଧର ମେହେର
ଅଗଷ୍ଟ ନ’ ଅଠରଶହ ବାଷଠି ଜନ୍ମିଲେ ସ୍ୱଭାବ କବି
ମାତୃଭୂମି ମାତୃଭାଷାର ମମତା ପାଇଁ ଉଦେ ଭାଷା ରବି ।
ମଂଗଳେ ଉଷାକୁ ନାରୀଟିଏ କରି ଛାଡିଲେ ସୀତାଙ୍କ ଠାରେ
ଏକଲା ପଣକୁ ଦୂର କରିବାକୁ ବାଲ୍ମୀକି ଆଶ୍ରମ ଧାରେ ।
ତନ୍ତ ବୁଣା ସଂଗେ କବିତା ବୁଣିବା ସହଜେ ପାଠ ଅଳପ
ବିଶ୍ଵବିଦ୍ୟାଳୟେ ମେହେର ସାହିତ୍ୟ ଗଢେ କେତେ ଗବେଷକ।
ଧନ୍ୟ ବରପାଲି ଅନ୍ତୁଡି ଶାଳଟି ପ୍ରଚଣ୍ଡ ପ୍ରତିଭାଧର
ପ୍ରଣାମ ଘେନ ହେ ସିଦ୍ଧ ସାଧକ ଗଂଗାଧର ମେହେର ।
ଚାରି ଅପ୍ରେଲ ଉଣେଇଶହ ଚବିଶ ତେଜିଲ ଜଗତ ମାୟା
'ତପସ୍ଵିନୀ' 'ଇନ୍ଦୁମତୀ' 'ପ୍ରଣୟ ବଲ୍ଲରୀ' କାୟା ବିନୁ ଯଥା ଛାୟା ।
ଓଡିଆର ହୀନମନ୍ୟତା ଘାରୁଛି ମା'କୁ କହୁଛି ମମ୍ମି
ଇଂରେଜୀରେ ଦି’ଟା ବାକ୍ୟ ଝାଡି ଦ୍ୟନ୍ତି ମିଳିବ କାଳେ ସଲାମି ।
ଓଡିଆ ସାହିତ୍ୟ ସଂଗ୍ରାମ କରୁଛି ଓଡିଆ ମିଳୁନି ଦେଖା
ମୁଷ୍ଟିମେୟ କିଛି ଅଣ୍ଟା ଭିଡୁଛନ୍ତି କାହିଁ ଗଲ ଆହେ ସଖା !!
-ବିଶ୍ଵେଶ୍ୱର ମାଝୀ-