ଦେଲ ଏ ଦାରୁଣ ବ୍ୟଥା
ଦେଲ ଏ ଦାରୁଣ ବ୍ୟଥା
ସେଦିନ ତୁମକୁ ଖୋଲି କହିଥିଲି
ମୋ ମନ ତଳର କଥା ,
ଏଡ଼ିକି ସଅଳ ଭୁଲିଯାଇ ତୁମେ
ଦେଲ ଏ ଦାରୁଣ ବ୍ୟଥା ।(୦)
କେତେ ଆଶ୍ୱାସନା ଦେଇଥିଲ ମୋତେ
ଛାଇ ଭଳି ଥିବ ପାଖେ ,
ବିପଦେ ଆପଦେ ସାହା ହେବ ପୁଣି
ଭାଗ ନେବ ଦୁଃଖେ,ସୁଖେ ।
ଆଶା,ଭରସା ମୋ ଅଧୁରା ରହିଲା
କୋଡ଼ି ହେଲି ଯାହା ମଥା ।(୧)
ଏଡ଼ିକି ସଅଳ ଭୁଲିଯାଇ କିଆଁ
ମୋ ମନରେ ଦେଲ ବ୍ୟଥା ।
ଏତେ କଥା ଯଦି ମନେ ରଖିଥିଲ
ଭରସାଟି ଦେଲ କିଆଁ ,
ତୁମକୁ ନେଇ ଯା' ଆଶା ବାନ୍ଧିଥିଲି
ସେଥିରେ ଲାଗିଲା ନିଆଁ ।
ମରୁ ରାଇଜର ମରୀଚିକା ହେଲ
ମିଳିଲାନି ତୁମ ପତ୍ତା ।(୨)
ଏଡ଼ିକି ସଅଳ ଭୁଲିଯାଇ କିଆଁ
ମୋ ମନରେ ଦେଲ ବ୍ୟଥା ।
ସେଦିନ ତୁମକୁ ଖୋଲି କହିଥିଲି
ମୋ ମନ ତଳର କଥା ,
ଏଡ଼ିକି ସଅଳ ଭୁଲିଯାଇ କିଆଁ
ଦେଲ ଏ ଦାରୁଣ ବ୍ୟଥା ।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।