ଶୁଉଣୁ ବଉଳ
ଶୁଉଣୁ ବଉଳ
ବଳେଇ ପଡୁଛି ବେଳକୁ ବେଳ ଏ ବେଳ ବଉଳ
ନୂଆ ଯଉବନେ ଭଲ ଲାଗୁଛି ଲୋ ଗୋଳ ଚହଳ -୦-
ମନରେ ଛାଉଛି ଅଜବ ନିଶା
ବଖାଣିବାକୁ ଲୋ ପାଉନି ଭାଷା
ପିଇଛି କି ସତେ ମିଠା ମହୁଲି
ଛାଆଁକୁ ହୃଦୟ ଯାଏ ଚହଲି
ବଉଳ ଲୋ ତତେ
ଲାଗୁଛି କେମନ୍ତେ
ଫେରନ୍ତା ଡାକରେ ସବୁ ଲେଖି ପଠେଇବୁ ସଅଳ -୧-
କଥାଛଳେ ପଚାରିଲେଣି ବହୁ
ଶୁଣି ଖାଲି ହସି ଦେଉଛି ବୋଉ
ଶୁଣିଲି ଖୁଡୀକୁ କହିଲା ଦିନେ
" ଛୁଟିରେ ଆସିଲେ ଇଏ ଏ ସନେ
ଦୁହେଁ ବିଚାରିବୁ
କିଛିଟା କରିବୁ
ଭଲ ଘର-ବର ଦେଖି ଉଠେଇବୁ ଠିଇକି ବେଳ -୨-
ଶୁଣିବା ଦିନୁ ତା' କଥା ଲୋ ସାଙ୍ଗ
ଭାବଟା ହେଉଛି ରଙ୍ଗ ବେରଙ୍ଗ
ଚିଡୁଥିଲି ଯା'ରେ ଭଲ ପାଉଛି
ବାହାନା ନ କରି କାମ କରୁଛି
ସତରେ କହୁଛି
ଭଲ ବି ଲାଗୁଛି
ମନ୍ଦିର ଯାଉଛି ଆଉ ଖରକୁଛି ଗୋରୁ ଗୁହାଳ -୩-