ମଦକୁ ରାଜସ୍ୱ କରି ଆମ ସରକାର
ମଦକୁ ରାଜସ୍ୱ କରି ଆମ ସରକାର
ମଦକୁ ରାଜସ୍ୱ କରି ଆମ ସରକାର
ପର୍ଶୁରାମ ବିଶ୍ୱାଳ
ଦେଖୁଚୁରେ ଜଗା ମଦକୁ ରାଜସ୍ୱ କରି ଆମ ସରକାର
ପ୍ରଗତି ନାଆଁରେ ଦୁର୍ଗତିର ବାଟ କରିଚନ୍ତି ପରିଷ୍କାର
ଉଜୁଡ଼ିଯାଉଚି ସଜଡ଼ା ସଂସାର
ଦେଖୁଚୁ କଳାଠାକୁର ।
ମଦୁଆ ଘରଣୀ କାନ୍ଦେ କଇଁକଇଁ, ଅଭେକ ତା ପିଲାଛୁଆ
ଦିନରାତି ଖାଲି ଗର୍ଜନତର୍ଜନ, କେ’ କହିବ କାହିଁ ଆହା
ତେଲଲୁଣ କଥା ବୁଝିବ କୋଉଠି
ମଦଟି ସରଗ ତା’ର ।
ଦିନଯାକ ଖଟି ଦିନମଜୁରିଆ ସଞ୍ଜକୁ ଭାଟିରେ ଭିଡ଼
ଖାଲିହାତେ ଫେରେ, ଚାଉଳଟି ନାହିଁ, ଭାରିଯାକୁ ମୁହଁତୋଡ଼
ଘରଟିକି ତା’ର ବାନ୍ତିରେ ଭସାଏ
ଉଚ୍ଛନ୍ନ ହୁଏ ସଂସାର ।
ଗଣତନ୍ତ୍ର ଦେଶେ ଯେତେ ସରକାର ଅଛନ୍ତି ଏଇ ଅବନୀ
ପ୍ରଥମ ଆର୍ଥିକ ମାନ ବଢ଼ାଇବା ଲୋକଟି ହବରେ ଧନୀ
ମଦ ଖାଇଯାଏ ତା ସବୁ ପଇସା
କି ହବ ସଞ୍ଚୟ ତା’ର ?
ମଦ ପଇସାରେ ଏଇ ରାସ୍ତାଘାଟ କି ମୂଲ ଅଛି ବା କହ
ଯା’ପାଇଁ ବଢ଼ିଚି ଚୋରି ଡକେଇତି, ଆକର୍ଷଣ ନାରୀଦେହ
ବୁଝେଇ କହ ତୁ ନିଶାମୁକ୍ତ ହେଉ
ରାଜସ୍ୱ ଛାଡୁ ସର୍କାର ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****