ହୋଲି
ହୋଲି
ବଡ଼ ଜହ୍ଲାଦ ହିରଣ୍ୟକଶିପୁ
ପ୍ରହ୍ଲାଦ ମାରିବା ଆଶେ,
କେତେ ମୃତ୍ୟୁ ଯନ୍ତା ଭିଆଇଲା
କିନ୍ତୁ ,ପ୍ରହ୍ଲାଦ ହରିଭରସେ।
ପାହାଡ ଶିଖରୁ ଗଡାଇଲା ତାକୁ
କୋଳେଇ ଧରିଲେ ହରି,
ପାଗଳାହସ୍ତୀ ଯେ ଆଡ଼ ହୋଇଗଲା
ବିଷ୍ଣୁଙ୍କର ନାମ ସ୍ମରି।
ସର୍ବ ଶେଷେ ଆନ ଉପାୟ ନ ପାଇ
ହୋଲିକା ସାହାଯ୍ୟ ନେଲା,
ଅନଳରେ ଦଗ୍ଧ କରିବାପାଇଁକି
ଅମୋଘଅସ୍ତ୍ର ସାଜିଲା।
ବିଷ୍ଣୁ ଶରଣରେ ରହିଥିବା ଯାଏ
ନ ଆସେ କିଛି ବିପଦ,
ଭସ୍ମୀଭୂତ ହେଲା ବିଭିନ୍ନ ରଙ୍ଗରେ
ରହିଲା ହୋଲି ପ୍ରବାଦ।
ଭୁଲି ହିଂସା ଦ୍ଵେଷ, ଧର୍ମ ଓ ଅଧର୍ମ
ମାଖି ଦେହରେ ଅବିର,
ଆପଣାର ମଣି ଭାଇଚାରା ବୁଣି
ଆମେ ସନ୍ତାନ ଗୋଟିଏ ମାଆର।
ପ୍ରଣତି ମହାପାତ୍ର
ଫକୀରମୋହନନଗର
ବାଲେଶ୍ୱର