ସ୍ଵପ୍ନ ଓ ବସ୍ତି
ସ୍ଵପ୍ନ ଓ ବସ୍ତି
1 min
6.6K
ସ୍ଵପ୍ନ ଓ ବସ୍ତି
ସୁକାନ୍ତ ମହାପାତ୍ର
ସ୍ଵପ୍ନ ସବୁ ଧାଡିଧାଡି
ବସ୍ତିକୁ ଧସେଇ ପସନ୍ତି
ମନରେ ନେଇ
ରଂଗୀନ ସହରର ଆସକ୍ତି ...
ବସ୍ତିର ପରିଚୟହୀନ ଛୋଟଛୋଟ କୁଡିଆ
ଅଂକାବଂକା ଆଉ ଖୁନ୍ଦାଖୁନ୍ଦୀ
ସତେ ଯେମିତି କରିଦିଏ
ସ୍ଵପ୍ନ ସବୁକୁ ପଣବନ୍ଦୀ ...
ଜୀବନ ତ ସେମିତି ଥାଏ
ବଞ୍ଚିବାର ପରିଧି ଯାହା ବଦଳିଯାଏ...
ସ୍ଵପ୍ନ ଖାଲି ଥାଏ କାଲିର ଭୋକର
ଆଉ ଡର ବସ୍ତି ବାହାର ଦୁନିଆର ...
ବେଳେବେଳେ ସକାଳର ସୂରୁଜ
କୁଡିଆରେ ବନ୍ଦୀ ସ୍ଵପ୍ନକୁ ଛୁଇଁଯାଏ,
ସ୍ଵପ୍ନକୁ ଝଂକାଇ ତାର ସ୍ଵପ୍ନ ମନେପକାଇଦିଏ ।