ମୁଁ କି ନୁହେଁ ଆପଣାର
ମୁଁ କି ନୁହେଁ ଆପଣାର
1 min
7.0K
ମୋ ଉପରେ ତୁମେ ଅଭିମାନ କରି
ରହୁଛ କି ଦୂରେ ଦୂରେ,
ଦେଖା ହେଲେ ସିନା ବୁଝାଇ କହନ୍ତି
ମୋ ହୃଦୟ କଥା ଥରେ ।
ଏ ଅଭିମାନରୁ କି ଅବା ମିଳୁଛି
ଖୋଲି କରି ମୋତେ କୁହ,
ତୁମ ଛାତି ତଳେ ହୁତୁ ହୁତୁ ନିଆଁ
ଜଳେ ସିନା ଅହରହ ।
ମୁଁ ଏଠି ତୁମକୁ ଝୁରି ମରୁଅଛି
ମନ ଦେଇଅଛି ବୋଲି,
ତୁମେ କି ଗୋ ମତେ ଜାଣି ଶୁଣି ସତେ
କେବେଠୁ ଗଲଣି ଭୁଲି।
ହୃଦୟର କଥା ଖୋଲି କୁହ ଥରେ
ମୁଁ କି ନୁହେଁ ଆପଣାର,
କେଉଁ ଅପରାଧେ ମୋତେ ଆ ଗୋ ରାଧେ
ମଣୁଅଛ ସାତ ପର ।
ବି ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।