ସନ୍ଦେହ
ସନ୍ଦେହ
1 min
183
ପଦ୍ମାଳୟା ମିଶ୍ର
ସନ୍ଦେହର ବୀଜ ବପନ ହୋଇଲେ
ସମ୍ପର୍କରେ ଗଣ୍ଠି ହୁଏ
ଅବିଶ୍ୱାସ ପାଣି ସନ୍ଦେହୀ ମସ୍ତିଷ୍କ
ବୀଜକୁ ବୃକ୍ଷ କରାଏ ।
ନିର୍ମୂଳି ପରାଏ ମାଡ଼ି ମାଡ଼ି ଯାଏ
କବଜା କରେ ଭାବନା
ସନ୍ଦେହର ଚେର ଶୋଷିନେଇ ସ୍ଵପ୍ନ
ଦିଏ ଅନେକ ଯାତନା ।
ସବୁ ଜାଣି ମଧ୍ୟ କି କରେ ମାନବ
ସନ୍ଦେହକୁ ପାଳେ ପୋଷେ
ସମ୍ପର୍କର ବାଜି ହାରିଯାଏ ପଛେ
ସନ୍ଦେହ ପଙ୍କରେ ପଶେ ।
ଆଙ୍କିଥାଏ କେତେ ଯତନେ ଝୋଟିରେ
ସମ୍ପର୍କର ସେ ନଅର
ସନ୍ଦେହର ବୁନ୍ଦେ ନଷ୍ଟ କରିଦିଏ
ଭାଙ୍ଗିଯାଏ ବାଲିଘର ।।