କ୍ଷଣ କ୍ଷଣ

କ୍ଷଣ କ୍ଷଣ 

 

ତୁମେ ପରା କ୍ଷଣ              ପ୍ରଭାରେ ଅର୍ଚ୍ଚନ 

          ବିରାଜ ମୋ ହୃଦେ ଦଣ୍ଡ ମାନ 

ଲବେ କି ନିମିଷେ             ହରାଇ ବିରସେ 

          ଲଭି ନାହିଁ ମନେ ରୋଷପଣ ।

 

ମୋ ମନ ଆକାଶ             ରମଣ ବିଳାସ 

         ଜ୍ଯୋତିରେ ଶୋଭିତ ଅଂଶୁମାନ

ସାନନ୍ଦୁ ବିଚ୍ଯୁତ                ପରମ ଅଚ୍ୟୁତ 

           ସମ୍ଭବ କି ହେବ ବର୍ତ୍ତମାନ । 

 

ଦିବ୍ୟ ପ୍ରେମ ଦାନ             ବିରଚି ମୋହନ 

          ଯୋଡି ଦିଅ ଭାବେ ମନ ପ୍ରାଣ 

ମୁଁ ତୁମ୍ଭ ଜୀବନ            ତୁମେ ମୋ ପରାଣ 

           ରଖିବ ଏ ଭାବ ସବୁଦିନ ।

 

ଆନନ୍ଦ ସାଗରେ           ମଜ୍ଜି ମୁଁ ସାଦରେ 

           ପୀରତି ବନ୍ଧନେ ସମର୍ପଣ 

ସୂତ୍ରେ ଥିବ ମନ             ଭବ ବନ୍ଧ ମାନ 

          ଫେଡୁଥିବ କରି ବିମୋଚନ । 

 

ତୁମ୍ଭ ସଂରଚନା             ବିଧାନେ କରୁଣା 

           ପ୍ରତି ପ୍ରୀତି ନିତି ଜାଗରଣ 

କରି ରଖିଥିବ               ହେ ରାଧାମାଧବ 

           ଚିତ୍ତେ ଚିନ୍ତି ଥିବ ପରସନ୍ନ । 

 

କବି - ଶ୍ରୀଯୁକ୍ତ ପ୍ରସନ୍ନ କୁମାର ମାଦଳା