ଜୀବନ ଗୀତା-୩୮୩
ଜୀବନ ଗୀତା-୩୮୩
1 min
127
ସକଳ ପରାଜୟ ବ୍ୟର୍ଥତା ଭିତରେ
ରହିଛି ଜୀବନର ତେଜ
ହଜାରେ ମନ୍ଦଭାଗ୍ୟ ସତ୍ତ୍ୱେବି ମଣିଷ
ହରାଏ ନାହିଁ ତାର ଓଜ ॥୦॥
ଗୌରବୋଜ୍ଜଳ ଜୀବନର ଜୟଗାନ
ଶୁଭଇ ଗଗନେ ପବନେ
ଜନ ମଙ୍ଗଳକର କାର୍ଯ୍ୟଧାରା
ଚାଲିଛି କୋଣେ ଅନୁକୋଣେ
ଅସୀମ ଅନନ୍ତର ଆରାଧନା କରି
ଆରମ୍ଭ ହୁଏ ସର୍ବକାର୍ଯ୍ୟ ॥୧॥
ବଜ୍ର କଣ୍ଠରେ ଘୋଷଣା କରଇ ନିତି
ମଣିଷ ସବୁଠୁଁ ମହାନ
ସତ୍ୟଶୀଳତା ଶାଶ୍ୱତ ଗୁଣରେ ସେତ
ଅଂଧାର କରଇ ନିଶ୍ଚିହ୍ନ
ଆଦିମ ଇଶ୍ୱରୀୟ ଜୀବନ ତ ଆଜି
ଭାବେନା କେ ପର କେ ନିଜ ॥୨॥