Audio

Forum

Read

Contests

Language


Write

Sign in
Wohoo!,
Dear user,
ପଥର
ପଥର
★★★★★

© Bhakta Malla

Inspirational

1 Minutes   6.6K    5


Content Ranking


ରଖିଲ ତ' ଅସୂର୍ଯ୍ୟପଂଶ୍ୟା କରି

ତମ ରଂଗ ଉଆସର

ସାତ ସିନ୍ଦୁକରେ ,

ସାତ ତାଳ ପାଣି ଆଉ

ସାତ ତାଳ ପଙ୍କର

ନିବୁଜ ଫରୁଆ ଭିତରେ ।

ସାଇତିଲ ଶୋଭନୀୟ ସୁଷମାର ଶୌର୍ଯ୍ୟ

କମନୀୟ କୁମାରୀ କୌମାର୍ଯ୍ୟ,

ତମ ଉଗ୍ର କାମନାର ଚରିତାର୍ଥ ପାଇଁ

କାଳେ କାଳେ କଲ ମୋତେ ଅର୍ଘ୍ଯ ।

ଏବେ ଦେଖ ! ମୋର ଲାଲ ରକ୍ତ

କେମିତି ତରଳି ଯାଉଛି

ଉତ୍ତପ୍ତ ଲାଭା ପରି ରାଜ ରାସ୍ତା ଧାରେ ,

ତମ ସିନ୍ଦୁକରେ ସଯତ୍ନରେ ବଂଧା ଥିବା

ମୋର କମନୀୟ କୁମାରୀ କୌମାର୍ଯ୍ୟ

କେମିତି ଭୂଲୁଣ୍ଠିତ ହେଉଛି

କାମନାର ଲୋଲୁପ ବହ୍ନିରେ ।

ନିରବଚ୍ଛିନ୍ନ ମୋ ରକ୍ତରେ ତର୍ପଣ

ତମ ଆଦିମ ଅଭ୍ୟାସର

ଚିରାଚରିତ ପ୍ରଥା,

ନା' ... ମୋ ପାଇଁ କେଉଁଠି ଅଛି

ସୁରକ୍ଷିତ ସ୍ଥାନ ?

ନା' କେଉଁଠି ମୁଁ ନିଜେ ସୁରକ୍ଷିତା ।

ତମ ବିଶାଳ ପ୍ରାଚୀର ଘେରା

ରଂଗୀନ ଉଆସ,

ନା' ସହର - ଜନପଦ

ନା ' ଛାତ ନଥିବା ବିସ୍ତୃତ ଆକାଶ !!

କେଉଁଠି ବି' ନୁହେଁ ନିରାପଦ

ନେବାପାଇଁ ଶାନ୍ତି ରେ ନିଃଶ୍ବାସ ।

ପରାକ୍ରମୀ ରାବଣର ଥିଲା ବି' ବିବେକ

କରିନାହିଁ କେବେ ଦୁଃସାହସ

ଉଲଗ୍ନ କରିବାକୁ ସତୀ ଅଙ୍ଗବସ୍ତ୍ର

ତଥାପି ମୃତ୍ୟୁ ଦଣ୍ଡେ ହୋଇଛି ଦଣ୍ଡିତ ,

ଦ୍ରୌପଦୀର ବିବସନା ଲାଞ୍ଛନା ନିମନ୍ତେ

କୁରୁକୂଳ ସବଂଶେ ନିପାତ ।

ଏବେ କିନ୍ତୁ ଏଠି ସେଠି

ସବୁଠି କପଟୀ ଇନ୍ଦ୍ର

ମଦମତ୍ତ ନିଷ୍ଠୁର କାମାନ୍ଧ,

ଅହଲ୍ଯା ଧର୍ଷଣ ପରେ

ଫିଙ୍ଗି ଦ୍ୟନ୍ତି ରାଜ ରାସ୍ତା ପରେ

ନାରୀର ରକ୍ତାକ୍ତ କବନ୍ଧ ।

ରାସ୍ତାପରେ ଗଡୁଥିବା

ରକ୍ତାକ୍ତ ନାରୀର ଦେହ

ପଥର ପାଲଟେ

ପଡି ରୁହେ ଯୁଗ ଯୁଗ ପାଇଁ ।।




ଭକ୍ତ ଚରଣ ମଲ୍ଲ

ନେମ୍ବରା, କେନ୍ଦ୍ରାପଡା

ପଥର କୁମାରୀ ନାରୀ

Rate the content


Originality
Flow
Language
Cover design

Comments

Post


Some text some message..