ଆମେ ଶିଶୁ ଫୁଲକଢ଼ି
ଆମେ ଶିଶୁ ଫୁଲକଢ଼ି
ଆଜି ସିନା ଆମେ ଶିଶୁ ହୋଇ ଅଛୁ
କାଲିକି ହୋଇବୁ ବଡ଼
ଆଜି ସାଜିଅଛୁ ଉଡ଼ନ୍ତା ଚଢେଇ
କାଲିକି ଗଢିବୁ ନୀଡ଼ ।
କଢିଟିଏ ସାଜି ରହିଅଛୁ ଆଜି
କାଲିକୁ ହୋଇବୁ ଫୁଲ
ମହକାଇ ଦେବୁ ଆମେସେ ବାସ୍ନାକୁ
ବଢିବ ଆମରି ମୂଲ ।
ପାଠ ପଢି ଆମେ ଶିକ୍ଷିତ ହୋଇବୁ
ରଖିବୁ ଦେଶର ନାଆଁ
ଆମ ପାଇଁ ଦିନେ ଗର୍ବିତ ହୋଇବ
ଆମ ଏହି ଛୋଟ ଗାଆଁ ।
ପାଠରେ ଶାଠରେ ବୁଦ୍ଧି ବିବେକର
ଆମେ ଥିବୁ ଆଗେ ରହି
ଆମ ପାଇଁ ଦିନେ ମହାନ ହୋଇବ
ଆମରି ଭାରତ ଭୂଇଁ ।
ଆମେ ହିଁ ହୋଇବୁ ଡାକ୍ତର ସୈନିକ
ଆମେ ହେବୁ ବୈଜ୍ଞାନିକ
ନେତା ମନ୍ତ୍ରୀ ହୋଇ ଆମେହିଁ ବୁଝିବ
ଦୁଃଖୀ ଦରିଦ୍ରଙ୍କ ଦୁଃଖ ।
ଆଜି ଆମେ ଶିଶୁ ଦେଶପାଇଁ କାଲି
ସାଜିଥିବୁ ନାଗରିକ
ନିଜ ପ୍ରଚେଷ୍ଟାରେ ନିଜେ ବଢି ଆମେ
ରଖିବୁ ଜାତିର ଟେକ ।