ଅଶ୍ରୁ

ଅଶ୍ରୁ

ବିଷ୍ଣୁ ଚରଣ ପଟ୍ଟନାୟକ

ଭିଜା ଭିଜା ନୟନରେ ,

କେବେ ସେ ଲହଡି ଭାଙ୍ଗେ ,

ମନର ବେଳାଭୂମିରେ ,

କେଉଁ ଏକ ଅଜଣା ଆବେଗରେ ।

ହୋଇପାରେ ଏକ ,

ପୁଲକର ବ୍ରହ୍ମମୁହୂର୍ତ୍ତରେ ,

ନୂତନ ଆଲୋକର ସନ୍ଧାନରେ ,

ଅବା ଏକ ଅଭିଶପ୍ତ ଇଲାକାରେ ,

ମନର ଭାବନାକୁ ଧୂଳିସାତ୍ କରି ,

ଥପଥାପ ନିଗିଡି ପଡ଼ି ,

ବିରହର ଛନ୍ଦ ତୋଳେ ,

ବେଶୁରାର ରାଗିଣୀରେ ,

ଦୟାର୍ଦ୍ର କିମ୍ବା ,

ନିର୍ଲିପ୍ତାର କାରୁଣ୍ୟତାରେ ,

ନିନ୍ଦା ନିରାଶାର ଘୂର୍ଣ୍ଣି ବଳୟରେ ।

ପ୍ରତାରଣାର ଚଲାପଥେ ଝୁଣ୍ଟିପଡି ,

କେବେବା ଲୁହ ଢାଳେ ,

ଅକୁହା ଅସରନ୍ତି ଯନ୍ତ୍ରଣାରେ ।

କେବେ ସେ ଉଛୁଳିଯାଏ ,

ଅଫୁରନ୍ତ ଆନନ୍ଦ ଓ ଉନ୍ମାଦନାରେ ।

ମହ ମହ ପ୍ରେମର ଫଲଗୁରେ ,

ଫଗୁଣର ସେଇ ଚଇତାଳିରେ ।