ବୋଉ

ମନେପଡେ ବାଲ୍ୟ-କାଳ ହାତେ ବାଲି ମୁଠା ମୁଠା

ହାତଧରି ବୋଉ ଡାକେ, ଖାଇଦେ ଆ ଖଣ୍ଡେ ପିଠା

ବୋଉ ବୋଲ ନମାନିଲେ, ବୁଲୁଥିଲେ ନଈ-ପଠା

ବୋଉର ଗାଳି-ଆକଟ, "ଗାଲୁଆ, ମୂର୍ଖ, ନିଲଠା

ବୋଉହାତ ହସ୍ତାକ୍ଷର ବୋଉର ଦୋକାନ-ଚିଠା

ବୋଲ-ହାକ ବlହାନାରେ ଏଠାକୁ ସେଠାକୁ ପଠା

ବଡି-ଭୋର୍ ପାହାନ୍ତାରୁ, ବୋଉର ଶେଯରୁ- ଉଠl

ବହି ରେ ମଲାଟ-ମଡା, ମାଖିଦେଇ ବେଲ-ଅଠା

ବାଡିପଟେ ଚୁଲି ଜାଳି ବୋଉ ପୋଡେ, ପୋଡପିଠା

ବୋଉ ପରି ବାସ୍ନାହୁଏ, ବୋଉ ପିନ୍ଧା ସିଲକି ମଠା

ବୋଉ କରେ ତରକାରୀ, ବେସର- ପଣସ କଠା

ପୂଜା ପର୍ବାଣି ରେ ମଣ୍ଡା କାକରା କୋରା ଗଇଁଠା

ବୋଉସାଙ୍ଗେ ବୋଲହାକ, ବୋଉସାଙ୍ଗେ ଫଟୋଉଠା

ବୋଉସାଙ୍ଗେ ବାର୍ତ୍ତାଳାପ ଲାଗେ ଭାରି ମିଠା ମିଠା