ନେଇ ଯା' ମୋତେ

ଅତି ଆକୁଳରେ ଜଗା ଡାକୁଛି ତୋତେ ,

ବାହୁଡେଇ ନେଇ ଯା' ତୋ ପାଖକୁ ମୋତେ-

ଆଉ କେଉଁଥିରେ ଆଶ ,

ନାହିଁରେ ମୋ ପୀତବାସ..

ନିରିମାଲ୍ୟ ଟିକେ ଦେଏ ଆପଣା ହାତେ ।(୦)

ବାହୁଡେଇ ନେଇ ଯା' ତୋ ପାଖକୁ ମୋତେ ।

ଏ ଘୋର ମାୟା ସଂସାରେ ,

ଉଡ଼ି ଗଲାଣି ହଂସାରେ...

ବେଳ ଥାଉଁ ଥାଉଁ ତେଣୁ-ଡାକୁଛି ତୋତେ ।(୧)

ବାହୁଡେଇ ନେଇ ଯା' ତୋ ପାଖକୁ ମୋତେ ।

ଆତ୍ମାକୁ ହେଲାଣି ବାଧା ,

ନାହିଁ କାହିଁରେ ଶରଧା...

ତୁଟେଇ ଦେ ମାୟା,ମୋହ,ବନ୍ଧନ ଯେତେ ।(୨)

ବାହୁଡେଇ ନେଇ ଯା' ତୋ ପାଖକୁ ମୋତେ....

(ଘୋଷା)

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।