ମୋ ବିଚାରେ ମୋ ଜୀବନ
ମୋ ବିଚାରେ ମୋ ଜୀବନ
ମୋ ବିଚାରେ ମୋ ଜୀବନ
ଆଭାକାନ୍ତ ମହାନ୍ତି
ଜୀବନ ମୂଲ କଣ୍ଟାର ଫୁଲ
ବାସନା ମହମହ,
ବିଚାର-ଭିଜା ଜୀବନ ପୂଜା-
ପାର୍ବଣ ଗହଗହ । ୦ ।
ଜୀବନ ଜାତି- ଧରମେ ମାତି
ଭୁଲଇନାହିଁ ବାଟ,
ଜୀବନ ଧନେ ଅବା କି ମାନେ
କରଇନାହିଁ ଆଣ୍ଟ,
ଜୀବନ ଶିଳା- ଶେଯରେ ଖେଳା
ପଦୁଅଁ ସମାରୋହ । ୧ ।
ଜୀବନ ଦୁଃଖ- ସୁଖର ଲେଖ
ଧାରାରେ ନୁହେଁ ବନ୍ଧା,
ଜୀବନ ଗତି ପୁଣ୍ୟ ଭାରତୀ
ସ୍ୱର୍ଗୀୟ ପ୍ରେମେ ଛନ୍ଦା,
ଜୀବନ ଢଙ୍ଗ ସପତ ରଙ୍ଗ-
ବରଣା ଅଭିନୟ । ୨ ।
ପ୍ରେମର ରସେ ପ୍ରଭୁ ବିଶ୍ୱାସେ
ଫୁଟେ ଜୀବନ ଫୁଲ,
ନହେଲେ ନାହିଁ ସଜାଏ ହାଇ
ଜୀବନ ନିଆଁ ଝୁଲ,
ଆତ୍ମବିଶ୍ୱାସ ହୋଇଲେ ନାଶ
ଜୀଇଁବା ନର୍କମୟ । ୩ ।
ହସରୁ ତୁମ ଟିକେ ଦିଅମ
ଅନ୍ୟ ଜୀବନେ ଢାଳି,
ପାଇବ ସତ ଜୀବନ ଅର୍ଥ
ସାମର୍ଥ ମତୁଆଳି,
ଆଶାର ଦାସ ନହୋଇ ନାଶ
ଜୀବନୁ ହାୟ ହାୟ । ୪ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****