Audio

Forum

Read

Contests

Language


Write

Sign in
Wohoo!,
Dear user,
କବିତାର ଆରପାଖ - ୨୮
କବିତାର ଆରପାଖ - ୨୮
★★★★★

© Anil Kumar Parhi

Others

1 Minutes   6.8K    9


Content Ranking

ଗୋଟିଏ ତାଳିରେ ଡରିଯାଉଥିବା ଦୁଶ୍ଚିନ୍ତା

ଆଜି ଗୋଠେ ହୋଇ ଫେରିଆସୁଛି

ପ୍ରତିଧ୍ଵନିରେ,

ବାହୁଙ୍ଗିରେ କାନ୍ଧେଇ ଆସୁଛି କିଏ

ନଈ ବନ୍ଧ ମଶାଣି ପାଖର

ସେ କାଶତଣ୍ଡି ଚହଟ ଶୂନ୍ୟତା।

କେବେ ପାରେଇଯିବ

ଏ ରାତିର ବିନିଦ୍ର କବିତା!

କେତେ ବଡ ବିଡମ୍ବନା

କବି ଟିକିଏ ଉଶ୍ଵାସ ପାଇଁ

କରେ କବିତା ରଚନା।

କବିତା ହାତ ବଦଳାଏ

ସ୍ୟାହି ବଦଳାଏ

ଗାର ସେପାଖୁ ହାତ ବଢାଏ

ଜଟାୟୁମାନଙ୍କ ରକ୍ତରେ

କୋହ ଲାଲ୍ ହେଉଥାଏ।

ପ୍ରତାରଣାର ମୃତ ଶରୀରରୁ

ବି ହାରିବାର ସ୍ବର ଶୁଭୁଥାଏ।

ଯାହା ଜରାୟୁରେ

କବିତାର ଭୃଣଅଛି

ସେ କେମିତି ପାଶୋରି ପକାଏ

ଶବ୍ଦର ବଳାତ୍କାର,

ଗଲା କାଲି ରାତିରେ

ଛାଇନିଦରେ ମୁଁ ଥିଲି ପ୍ରଥମ ଶୀକାର।

ହାୟ ମୋ ନିରିମାଖୀ ବିବଶତା

ହାୟ, ହାୟ,

ହାୟ ମୋର ଜାରଜ ପ୍ରସବ

ହାୟ ମୋର ଅବାଂଛିତ

ବିବର୍ଣ୍ଣ କବିତା।

ଅନୀଲ କୁମାର ପାଢୀ

ବାହୁଙ୍ଗି ପ୍ରତାରଣାର କବିତା

Rate the content


Originality
Flow
Language
Cover design

Comments

Post

Some text some message..