ଆଜି ବି ଖୋଜୁଛି
ଆଜି ବି ଖୋଜୁଛି
କ୍ଷୁଧା ତାର ଅପୂରଣୀୟ ,
ଆଶା ତାର ଅସୀମିତ ,
କୋଉ ଆବହମାନ ଯୁଗରୁ ଚାଲିଛି ତା ସନ୍ଧାନ,
ସେଇ ଲକ୍ଷ୍ଯ ପଥର, ସେଇ କ୍ଷୁଧା ତୃପ୍ତିର ପଥ ।
ଆଦିମ ଯୁଗରୁ ଆଜି ଯାଏ ,
ମାନବ ର କ୍ଷୁଧା ଅପରିମିତ,
ସେଇ ସେ ଆଦିମ ଯୁଗରୁ, ଆଶା, ଆକାଂକ୍ଷା ପୂରଣ ,
ଇଚ୍ଛା, ଆବଶ୍ଯକତା ପୂରଣ ହିଁ ,ତାର ଏକାନ୍ତ କାମ୍ଯ,
ସେଇଥି ପାଇଁ ଭୂମିରୁ ଭୂମା ଯାଏ,
ନଦୀ ରୁ ସାଗର ଯାଏ , ପ୍ରକୃତିର କୋଣ ଅନୁକୋଣ,
ସବୁଠି ଖୋଜୁଛି ତାର ଅନୁସନ୍ଧିସୁ ,ଗ୍ଯାନ ପିପାସୁ ମନ,
କ୍ଷଧିତ ମାନବ, ସ୍ବାର୍ଥାନ୍ବେଷୀ ମାନବ,
ଯନ୍ତ୍ରବତ୍ ଖୋଜି ଚାଲିଛି ଉତ୍ତର ଅମୀମାଂସିତ ପ୍ରଶ୍ନ ର ,
ସେଇ ସେ ଆଦିମ ଯୁଗରୁ ଆଜି ଯାଏ ,
ପ୍ରଶ୍ନ ତାର ଅନ୍ତହୀନ, ଅନୁସନ୍ଧିସୁ ତା ବ୍ୟାକୁଳ ମନ,
ଖୋଜୁଛି ଆଜି ବି ଉତ୍ତର,
ତଥାପି ମେଣ୍ଟୁନି କ୍ଷୁଧା ତାର ।
କଲ୍ଯାଣୀ ନନ୍ଦ
କଲ୍ୟାଣ ନଗର, ବୁଢାରଜା, ସମ୍ବଲପୁର, ଓଡିଶା ।