ବିଜ୍ଞାନ ଯୁଗର ସନ୍ତାନ (ଶିଶୁ ଗୀତ)
ବିଜ୍ଞାନ ଯୁଗର ସନ୍ତାନ (ଶିଶୁ ଗୀତ)
1 min
575
ଆମେ ରେ...ଆମେ ରେ... ବିଜ୍ଞାନ ଯୁଗର ସନ୍ତାନ
ଆମେ ଆମେ ରେ... ସର୍ବଦା ରଚିବା ନୂତନ,
ମଙ୍ଗଳ ଗ୍ରହରେ କରି ଅବସ୍ଥାନ
ସାକାର କରିବା ସପନ ।
ଆମେ ରେ..... ଆମେ ରେ....... (1)
ମରୁରେ ସୃଜିବା ଝରଣାର ତାନ
ଅଂଶୁଘାତ ଭୟ କରିବା ଦମନ,
ନିମିଷକେ ଲଙ୍ଘି ସାଗର ଗଗନ
ଜୀବନ କରିବା ମହାନ ।
ଆମେ ରେ....... ଆମେ ରେ.......(2)
ଗ୍ରହ ଉପଗ୍ରହ ଗତିବିଧି ଜାଣି
କରଷଣ କଥା କହିବା ବଖାଣି,
ଖୋଳାଇବା ନଦୀ ସଂଯୋଗ ସରଣୀ
ସବୁଜେ ଭରିବା ଧରଣୀ ।
ଆମେ ରେ....... ଆମେ ରେ.......(3)
କରିବା ନୂତନ ତଥ୍ୟ ଉନ୍ମୋଚନ
ନବୀନ କୌଶଳେ ନିର୍ମାଣିବା ଯାନ,
ଉଡାଇ ଜଗତେ ବିଜ୍ଞାନ କେତନ
ରଖିବା ଦେଶର ସମ୍ମାନ ।
ଆମେ ରେ....... ଆମେ ରେ.......(4)