ବନ୍ଧୁତ୍ୱର ଭାବନା

ଜାତିଧର୍ମ ଭୂଲି ଗୋଟିଏ ସୂତାରେ

ଆସ ଆମେ ଗୁନ୍ଥି ହେବା

ବନ୍ଧୁତ୍ୱର ମୂଲ୍ୟ ସଂସାରରେ ଶ୍ରେଷ୍ଠ

ସଭିଙ୍କୁ ବୁଝାଇ ଦେବା

ରାଗ ଇର୍ଷା କ୍ରୋଧ ଅଟଇ ରାକ୍ଷାସ

ପରିତ୍ୟାଗ କରିଦେବା

ଶାନ୍ତି ଦେବଦୁତ ଅହିଁସା ହିଁ ମନ୍ତ୍ର

ସଭିଙ୍କୁ ଆମେ କହିବା

ହିନ୍ଦୁ ମୁସଲିମ ଶିଖ ଇସାଈ

ଶୁଣ ସର୍ବେ ମନ ଦେଇ

ଜାତି ସିନା ଭିନ୍ନ ଗୋଟିଏ ରକତ

ଆମେ ସବୁ ଭାଇଭାଇ

ହାଣ ମାର କାଟ କରିବାନି ଜମା

ସଭିଙ୍କୁ ସନମାନ ଦେବା

ସୁନ୍ଦର ସୃଷ୍ଟିର ଶ୍ରେଷ୍ଠ ପ୍ରାଣୀ ଆମେ

ଏକଜୁଟ ଆମେ ହେବା

ଶାନ୍ତି ରୂପକ ଶ୍ରେଷ୍ଠ ଅଳଙ୍କାର

ମନରେ ଆମେ ପିନ୍ଧିବା

ବନ୍ଧୁତ୍ୱର ମୂଲ୍ୟ ଗାଁ ଗାଁ ବୁଲି

ପ୍ରଚାର ଆମେ କରିବା

ସୁନ୍ଦର ପୃଥିବୀ ବୈକୁଣ୍ଠ ହେବ

ବନ୍ଧୁତ୍ୱର ପରଶରେ

ଶୀତଳ ଯୁଦ୍ଧ ଦୂର ହୋଇଯିବ

ରହିବେ ସର୍ବେ ଶାନ୍ତିରେ