ରଙ୍ଗୀନ ଦୁନିଆ

ରଙ୍ଗୀନ ଦୁନିଆରେ ରଙ୍ଗର ଆସର

କୁହ କେଉଁ ରଙ୍ଗ ପ୍ରିୟ ଅଟେ କାହାର।

ନାଲି ରଙ୍ଗ ଦର୍ଶାଏ ଶକ୍ତି ଓ ସାହାସ

କ୍ରୋଧ ସକ୍ରିୟତା ସାଙ୍ଗରେ ବିଶ୍ୱାସ।

ଗୋଲାପୀ କହେ କଥା ପ୍ରେମ ବନ୍ଧୁତାର

ସୁରକ୍ଷା ସମ୍ବେଦନି ଓ କୋମଳତାର।

ଧଳା ରଙ୍ଗ ଦର୍ଶାଏ ଆତ୍ମ ନିୟନ୍ତ୍ରଣ

ଆତ୍ମ ବିଶ୍ୱାସ ସାଙ୍ଗେ ଥାଏ ଏକାପଣ।

କଳା କହେ କାହାଣୀ ସ୍ୱତନ୍ତ୍ରତାର

ଜ୍ଞାନ ଗାରିମା ଓ ସ୍ବଳ୍ପ ନିରବତାର।

ଧଳା ଓ କଳାର ସମଷ୍ଟି ଯେ ଧୂସର

ସନ୍ତୁଳନ ସ୍ଥିର ଓ ଗମ୍ଭୀରତାର ଆସର।

ବାଦାମୀ ଯେ ଦର୍ଶାଏ ଶାନ୍ତି ଓ ସାଧୁତା

ପରିବାରବାଦୀ ଓ କର୍ତ୍ତବ୍ୟପରାୟଣତା।

ବାଇଗଣୀ କରୁଥାଏ ଅନ୍ୟର ଆଦର

ସମ୍ବେଦନଶୀଳ ପ୍ରେମ ଓ ସାଧୁବାଦର।

ସବୁଜ ଅଟେ ସତେ ଏକ ଖୋଲା ବହି

ନୈତିକତା ଏବଂ କେବେ ହାର ନ ମାନଇ।

ନୀଳ ରଙ୍ଗ ଦର୍ଶାଏ ଦାୟିତ୍ୱବୋଧତା

ଶାନ୍ତିପ୍ରିୟ ସୁଲଭ୍ୟ ଭବ୍ୟ ଅନୁଚିନ୍ତା।

ଖୁସି ଆନନ୍ଦର ରୂପ ହଳଦିଆ ରଙ୍ଗ

ଭାବୁକ ଆଳସ୍ୟ ସଙ୍ଗେ ନୂଆ ନୂଆ ଢଙ୍ଗ।