ଖେଳରେ ଖୁସି

ସୁନ୍ଦର ସୁସ୍ଥ ସ୍ଵାସ୍ଥ୍ୟଟି ପାଇଁ 

ଖେଳଟି ହୁଏ ସଂହତି ନେଇ

ଶାନ୍ତି କାମନା କରି ।

ଖେଳାଳୀ ଭାଵ ହୃଦୟେ ଧରି

ଗାଁ ପଡିଆର ସାଥୀଙ୍କପରି

ରାଷ୍ଟ୍ରୀୟ ମେଳ ଏଠି ।।୧।।

ସମଗ୍ର ବସୁଧା ମୋ ପରିବାର

ଆମ ସମ୍ପର୍କ ଜାତି ରକ୍ତର

ଭେଦଭାଵକୁ ଛାଡ଼ି ।

ସରବେ ଖେଳି ସରବେ ବଢ଼ି 

ଧରି ରଖିବା ରାଷ୍ଟ୍ର ପଗଡି

ସମୟ ଟିକେ କାଢି ।।୨।।

କ୍ରୀଡ଼ାଙ୍ଗନ ଏ ସାରାସଂସାର

ଖେଳଟି ଖେଳିବା ସଭିଏଁ ଚାଲ 

ଭାତ୍ରୁଭାଵକୁ ବହି ।

ଦର୍ଶକ ସାଜି ଖୁସି ବାଣ୍ଟିଲେ 

ଖେଳୁଆଡଙ୍କ ମନ ମୋହିଲେ

ହସି ଉଠଇ ମହୀ ।।୩।।