ନିଦାଘେ ଚିଲିକା
ନିଦାଘେ ଚିଲିକା
ହେ ମୋର ନୀଳାମ୍ବୁ ଚିଲିକା ରୂପସୀ
ସୃଷ୍ଟିର ଦୃଷ୍ଟିରେ ଉଡ୍ର ରାଜ ହଂସୀ ,
ଚତୁର୍ଦ୍ଦିଗେ ଶୋଭେ ନୀଳ ଜଳରାଶି
ସ୍ଵପ୍ନହାସୀ ମୋର ମାନସ ପ୍ରେୟସୀ ,
ହାତ ଠାରୁ ଅବା ସୁନୀଳ କବରୀ
ମୁକୁଳାଇ ମୋତେ ନେବାକୁ ଆବୋରି ,
ପରଷି ଶୀତଳ ତୋ ଓ଼ଷ୍ଠ ଚୁମ୍ବନ
କରିବାକୁ ସତେ ! ନିଦାଘ ଦହନ,
ସନ୍ତରନ୍ତି ଜଳେ ବିହଙ୍ଗମ ଦଳ
ଯୁଗଳ ବନ୍ଧନେ ହୋଇ ମାଳ ମାଳ ,
ବକ୍ଷେ ତୋ ଅସଂଖ୍ୟ ବାସ ଜଳଚର
ରମନ୍ତି ଅଲକ୍ଷେ ହୋଇ ସେ ବିଭୋର ,
ଜନନୀର ତୁ' ଯେ ହୀରକର ହାର
ପଟ୍ଟଚିତ୍ରେ ତୋର ନାହିଁ ପଟାନ୍ତର ,
ଅପୂର୍ବ ଅପୂର୍ବ ଅପୂର୍ବ ଅପୂର୍ବ ...
ହେ ମୋର ଚିଲିକା ଉତ୍କଳ ବୈଭବ II
(ରଚନା କାଳ 22.6.2017 ଭ୍ରମଣ ସମୟରେ ରଚିତ)
ତପନ ଦୀକ୍ଷିତ(ବେଳା ଭୂମି)
ନାଶିକେଶ୍ୱର, କାକଟପୁର, ପୁରୀ