"ଭାଗନିଆ" ପତ୍ରର କଥା
"ଭାଗନିଆ" ପତ୍ରର କଥା
1 min
6.7K
ଖାଇଲେ ଗାଇଲେ ଘରକୁ ଧାଇଁଲେ,
ହେଇଗଲା କବି ସଭା;
ଆଉ ଯେ ରହିଲେ ନିକୁଟି ଚାହିଁଲେ,
ଆସନ ଚଉକି ଉଭା ॥୧
ସଭା ଗଲା ସରି କିଏ ମୁଠେ ଧରି
କାଗଜ ରହିଲେ ଛିଡା !
ଯିଏ ଥିଲେ ପାଶେ ଫେରିଲେ ହରଷେ
ଦେଖି "ଭାଗନିଆ"ବିଡା ॥୨
ଆଗ ମୋତେ ଭାଇ ଦେଇ ଦିଅ କହି
ଲାଗିଗଲା ଠେଲା ପେଲା;
ଜଣା ପଡିଲାନି କିଏ ପାଇଲାନି,
କିଏ କେତେ ଖଣ୍ଡ ନେଲା ।୩
ଯେତେ "ଭାଗନିଆ" ସବୁ ଅନ୍ଧାରିଆ
ନାମ ଲେଖି ବାଣ୍ଟିବାରେ,
କିଛି "ଭାଗନିଆ" ନ ଥାଇ କା ନାଆଁ
ପଡିଯାଏ କାହାଠାରେ ॥୪
ଯେଉଁ ଭାଗ୍ୟବନ୍ତ କଲେ ହସ୍ତଗତ
ଅପୂର୍ଣ୍ଣ ସେହି ପତର,
ଯାହା ନାଁ ଲେଖିଲେ ସେ ବି ପାଲଟିଲେ
ଏ ଦେଶ କବିପ୍ରବର ।୫
ଲଲାଟେନ୍ଦୁ କବି
୨୦୧୮୦୪୨୯୦୭୪୦