ଧନରେ କି ଭୁଲ କରିଥିଲୁ ଆମେ
ଧନରେ କି ଭୁଲ କରିଥିଲୁ ଆମେ
ଧନରେ କି ଭୁଲ କରିଥିଲି ମୁଁ
ଛାଡିଲୁ ଜରାନିବାସେ
ଲକ୍ଷେ ଶିବପୂଜି ପାଇଥିଲି ତୋତେ
କାନ୍ଦୁଚି ହୃଦୟ ହତାସେ ||
କେତେ ରାତ୍ରି ଅନିଦ୍ରା ହୋଇଛି
ମା ତୋର କେବଳ ତୋରିପାଇଁ
ତଥାପି କି ଭୁଲ କରିଥିଲୁ ଦୁହେଁ
ଅଚିରେ ପର କରିଦେଲୁ ତୁହି||
ଦିନଥିଲା ମୋ ହାତ ଧରି ତୁହି
ପଥ ଚାଲୁଥିଲୁ ନିର୍ଭୟରେ
ଆଜି ମୁଁ ଅଚିନ୍ହା ହେଲି ତୋପାଇଁ
କହ ପଦେ ମୋତେରେ ||
ଜ୍ୱର ହେଲା ବେଳେ ଅଚିନ୍ତାରେ
ଶୋଉଥିଲୁ ମୋ କୋଳରେ
ଆଜି ଟିକେ ଖାସି ଦେଲି ବୋଲି
ଛାଡ଼ିଦେଲୁ ଯରାନିବାସରେ||
ମା ତୋର କହୁଥିଲା,ପୁଅ ମୋର
ବଡ ଚାକିରୀ କରିବ
ବଡ ବଙ୍ଗଳା ରେ ଆମମାନଙ୍କୁ ରଖି
ସାରାଦିନ ସେବାକରିବ||
ତୋତେ ଝୁରି ଝୁରି ବିଚରାର
ଜୀବନଟି ଚାଲିଗଲା
ଧନଶାଳୀ ହୋଇଗଲୁ ବୋଲିତୁ
ସମୟ ଟିକେ ନମିଳିଲା||
ନିଜ ଇଚ୍ଛାରେ କନିଆ ଖୋଜି
ତୁ ବିବାହ କରିଲୁ ବୋଲି
ଅଭିମାନ କେବେ କରିନୁ
ନାତି ମୁହଁ ଟିକେ ଦେଖିବୁବୋଲି||
ନାତିମୁହଁ ଆମ ପାଇଁ ସପନ ହେଲା
କି ପାପ କରିଥିଲୁ କହ
ତୋର ଫୋଟୋ ଦେଖି ମା କାନ୍ଦୁଥିଲା
ହୃଦୟ ରେ ଚାପି କୋହ||
ସ୍କୁଲଯିବୁନି ବୋଲି ଅଝଟ କରି
କାନ୍ଦୁଥିଲୁ ଯେବେ ତୁହି
ବୁଝାଇ ସୁଝାଇ ତୋତେ
ବିଦ୍ୟାଳୟେ ଛାଡ଼ିଥିଲିରେ ମୁଁଇ ||
ଆଜି ଋଣ ଶୁଝିଦେଲୁ ଧନ
ବୁଝେଇ ଶୁଝେଇ ମୋତେ
ଜରାନିବାସେ ଛାଡିଆସିଲୁ
ମୋ କଥା ଭାବିଲୁନି ଟିକେ ଚିତ୍ତେ ||
ଶେଷରେ କେତେ ନିର୍ଦ୍ଦୟ ହୋଇ
ଶେଷ ସମୟେ ପର କଲୁ
ଆଶୀର୍ବାଦ ଦେଉଛି ତୋତେ
ତୋରପୁତ୍ର କେବେ ଏପରି ନକରୁ||
ହେ ଭଗବାନ ମୋ ଭଳି କଷ୍ଟ
ମୋପୁତ୍ର କୁ କେଭେ ନଦିଅ
ଘଣ୍ଟ ଘୋଡାଇ ତାକୁ ସର୍ବଦା ରଖ
ଜୀବନ ତା ସୁଖରେ ଭରିଦିଅ ||