ସ୍ଵାଗତମ୍ ନବ ବର୍ଷ
ସ୍ଵାଗତମ୍ ନବ ବର୍ଷ
ସ୍ୱାଗତମ୍ ସ୍ୱାଗତମ୍
ହେ ନବବର୍ଷ ସ୍ୱାଗତମ୍....
ତୁମରି ପାଇଁ କି ସୁରୁଜ ବରଷେ
ନୂତନ କିରଣ ଜ୍ୟୋତି
ବସନ୍ତ ମଳୟ ଚାମର ଢାଳୁଛି
ଆସିଛି ନିଦାଘ ତାତି ।
ତୁମ ଆଗମନେ ଶୁଷ୍କ ତରୁ ଢାଳେ
ଫୁଟିଛି ପତ୍ର କୋମଳ
ଗୀତ ଗାଉଛନ୍ତି ସୁମଧୁର ସୁରେ
ଡାଳେ ବିହଙ୍ଗମ ଦଳ ।
ଧୋଇବାକୁ ତବ ଚରଣ ଯୁଗଳ
ବହୁଛି ସହସ୍ର ଧାରା
କାଳବୈଶାଖୀର ପୀରତି ପରଶେ
ଦେହକୁ ବାଧୁନି ଖରା ।
ଆମ୍ର ତରୁ ଡାଳେ ଦୋହଲୁଛି ଆମ୍ବ
ଦେଉଛି ସୁବାସ ଢାଳି
ସେହି ସୁବାସରେ ସୁବାସିତ ତୁମେ
ଦେହେ ସେ ବାସକୁ ବୋଳି ।
ହେ ଜଗା ବଳିଆ କରୁଛୁ ମିନତି
ଦିଅହେ ଏହି ଆଶିଷ।
ନୂତନ ଆଶାରେ ସୁଖ ସମୃଦ୍ଧିରେ
ବିତୁ ଏ ନବ ବରଷ ।
ସ୍ୱାଗତମ୍ ସ୍ୱାଗତମ୍
ହେ ନବବର୍ଷ ସ୍ୱାଗତମ୍....
*ସାଗର ପ୍ରଧାନ ଗଂଜାମ*