କଳା କଳାପଟା
କଳା କଳାପଟା
ବିଦ୍ୟାଳୟ ଠାରେ ପଢ଼ା ଚାଲିଅଛି
ସାହିତ୍ୟ ବିଷୟ ନେଇ
ପ୍ରସଙ୍ଗଟି ଅଟେ କଳା ରଙ୍ଗ ପାଇଁ
ବୁଝାନ୍ତି ଶିକ୍ଷକ ତହିଁ l
ପିଲାମାନେ ତୁମେ ଦେଖିଛ କି'କେବେ
ଇନ୍ଦ୍ରଧନୁ ପୂର୍ବଦିଗେ
ପିଲାଏ କୁହନ୍ତି ଦେଖିଅଛୁ ଆଜ୍ଞା
ବରଷା ଦିନ ର ପାଗେ l 2 l
ଶିକ୍ଷକ କୁହନ୍ତି ଆଜି ପିଲେ ଆମେ
ରଙ୍ଗ ର କଥା ଜାଣିବା
ଇନ୍ଦ୍ରଧନୁ ଥାଏ ସାତଗୋଟି ରଙ୍ଗ
ସବୁ ମନେ ପେକେଇବା l 3 l
"ବା''ରେ ବାଇଗଣ "ଘ''ରେ ଘନନୀଳ
"ନୀ"ରେ ନୀଳରଙ୍ଗ କହି
"ଶ" ଶବ୍ଦ ସବୁଜ "ହ"ରେ ହଳଦିଆ
"ନା" ରେ ନାରଙ୍ଗୀ ହୋଇ l 4 l
"ଲା"ରେ ଆସେ ଲାଲ ସବୁମିଶି ସାତ
କେବେ ନ ଭୁଲିଲେ ହେଲା
ଏହି ସାତରଙ୍ଗ ମିଶେଇ କହିବା
ଏ "ବାଘ ନିଶ ହନାଲା " l 5 l
ଆଉ ଭଲ କଥା ଶୁଣ ପିଲା ମାନେ
ଏଠି କଳାଧଳା ନାହିଁ
ସବୁ ରଙ୍ଗ ମିଶି ହୋଇଥାଏ ଧଳା
ଶୁଣ କଥା କାନ ଦେଇ l 6 l
କିଛି ଆମେ ଯଦି ଦେଖି ନ ପାରନ୍ତି
ଲାଗେ ସତେ ଅନ୍ଧକାର
କଳାରଙ୍ଗ ସଦା ଗୁରୁତ୍ୱ ବହନ
ଅଟେ ଆମ ଜୀବନର l 7 l
କୋଇଲି ବି କଳା କାଉ ବି ତ କଳା
ଦେଖ ଲୋକ ଆଚରଣ
କୋଇଲିର ସୁର ମଧୁର ବୋଲିଣ
ପ୍ରଶଂସତି ତାର ଗୁଣ l 8 l
ମୁଖରୁ ନିସୃତ ବାଣୀ ଯେବେ ମିଠା
ଶତ୍ରୁ ମିତ୍ର ହୋଇଯାଏ
ଅହଂଭାବ ଯାର ଜୀବନେ ଆସଇ
ନିଶ୍ଚେ ପରଭାବ ପାଏ l 9 l
ବିଦ୍ୟାଳୟ ପାଇଁ କଳାପଟା ଆମ
ସବୁ ଠାରୁ ପ୍ରିୟ ଅତି
ଶିକ୍ଷକ ଙ୍କ ଲେଖା ତାହାଦେହେ ଦେଖି
ବଦଳେ ଜୀବନ ଗତି l 10 l
କେହି କହେ କଳା ରଙ୍ଗଟି ଅଶୁଭ
ଏହା ସଦା ଅଟେ ଭୁଲ
ନିଜର ହୃଦୟ ଯା'ନିର୍ମଳ ଥାଏ
ପାଏ ସଦା ଭଲ ଫଳ l 11 l