ଇଏ ଜମା ଭଲ ନୁହଁ
ଇଏ ଜମା ଭଲ ନୁହଁ
ଟିକିଏ କଥାରେ ମାନ କରୁଅଛ,
ଇଏ ଜମା ଭଲ ନୁହଁ,
ମୋର ଭଲ ମନ୍ଦ କିଛି ନ ପଚାରି,
ବୁଲେଇ ନେଉଛ ମୁହଁ ।
ଏ ମରମ କଥା କା'ଆଗେ କହିବି ,
କିଏବା ବୁଝିବ କୁହ,
ମୁଁ କାନ୍ଦି ପାରୁନି, ତୁମେ ସିନା ରୁଷି,
ଝରେଇ ପାରୁଛ ଲୁହ ।
ଦୁନିଆ ଯାକର ଭାର ମୋ ଉପରେ
ଜାଣିନାହଁ କିଗୋ ତୁମେ,
ସବୁ ବୁଝି କିଆଁ ଅବୁଝା ହେଉଛ,
ଶୁଣିଲେ ହସିବେ ଜନେ ।
ସବୁ ଦୋଷ ମୋତେ ଲଦି ଦେଉଅଛ,
ଘଡ଼ିଏ ଚାହିଁଲ ବୋଲି,
ତୁମରି ପାଶକୁ ଧାଇଁ ଆସିଛି ମୁଁ,
ଦୁନିଆ ଜଞ୍ଜାଳ ଭୁଲି।
ମାନ ତେଜ ଏବେ ଆଗୋ ମାନମୟୀ,
ହୃଦୟ ହେଲାଣି ଦହି,
ଦୁନିଆ ଭାରଠୁଁ ତୁମ ମାନ ଭାରୀ
ଆଉ ନ ପାରିବି ସହି।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।