ତୁମକୁ ଭଲଲାଗେ .....
ତୁମକୁ ଭଲଲାଗେ .....
ତୁମେ ମୋ ମନରେ
ମୁ ତୁମ ହୃଦୟରେ
ହୃଦୟକୁ ତୁମରି
ନୀରବତା ଭଲଲାଗେ
ଆଉ ମୋ ମନ କଣ କହେ ଜାଣିଛ ପ୍ରିୟା
ତୁମକୁ ଭାବିବାରେ ମିଳେ ଯେତେ ଖୁସି
ପାଇବାରେ ତା ନାହିଁ ।।
ତୁମେ ମୋ ସପନ
ମୁ ତୁମ ଜୀବନ
ତୁମରି ନୟନ
ଭଲପାଏ ରହିବାକୁ ମଉନ
ଆଉ ମୋ ନୟନ କଣ କହେ ଜାଣିଛ ପ୍ରିୟା
ତୁମ ସପନରେ ଅଛି ଯେତେ ଖୁସି
ଛୁଇଁବାରେ ତା ନାହିଁ ।।
ଜାଣେନି କେବେ
ଫେରିବ ତୁମେ
ସ୍ପନ୍ଦିତ ହେବ ମୋ ହୃଦୟ କେବେ
ତୁମର ପ୍ରେମ ମଳୟ ଛୁଆଁରେ
ତୁମକୁ ଭଲଲାଗେ
ମୋ ଠୁ ରହିବାକୁ ଦୂରେ
ଆଉ ମୋତେ କଣ ଭଲଲାଗେ ଜାଣିଛ ପ୍ରିୟା
ତୁମ ସ୍ମୃତିର ପାଶେ ତୁମ ଅପେକ୍ଷା ରେ
ମିଳେ ଯେତେ ଖୁସି
ତୁମ ବିରହରେ ସେତେ ଦୁଃଖ ନାହିଁ
ମୋତେ ଭଲଲାଗେ
ତୁମକୁ ଭଲପାଇବା ପାଇଁ ।।