ଆଶିଷ ଦିଅ ଚାଚାଜୀ

ଆମରି ହସ ଚହଟ ଚମ୍ପା

ଭାରତ ମାଆ ଅଞ୍ଚଳେ,

ମହକାଇ ଦେବୁ ଆମରି ସୁରଭି

ଜ୍ଞାନ ଲୋକ ଜ୍ୟୋତି ବଳେ.... ।

ଏକଥାକୁ ହେଜି ନେହରୁ ଚାଚାଜୀ

ନିଜ ଜନ୍ମଦିନ ସ୍ମୃତି

ଉତ୍ସର୍ଗୀତ କଲେ ଶିଶୁଙ୍କ ନାମରେ

ଦେଇ ସ୍ନେହାଶିଷ ପ୍ରୀତି..... ।

ଛୋଟଦେହେ ଭରା ଦିବ୍ୟ ସମ୍ଭାବନା

ଆଜିକେ ବୁଝୁଚି କାଇଁ !

ଖାଦ୍ୟ ବସ୍ତ୍ର ଶିକ୍ଷା ଉତ୍ତମ ଚିକିତ୍ସା

ଅନୁକୂଳ ସ୍ଥିତି ନାଇଁ.... ।

ଶାସକ ବିବେକ ବିକଶିତ ପାଇଁ

ଆଶିଷ ଦିଅ ଚାଚାଜୀ

ପ୍ରତିଭା ର ପ୍ରଭା ଆଲୋକିତ ହେଉ

ନବୀନ ସୂର୍ଯ୍ୟଟେ ସାଜି.... ।

ସନ୍ତୋଷ ପଟ୍ଟନାୟକ, ଗଞ୍ଜାମ