ଗାଁ ମୋର
ଗାଁ ମୋର
ତୁନି ପଡିଲାଣି ଆଉ ଗୁମୁରି କାନ୍ଦୁନି
ଗାଁ ମୋର
ସେ ବି ସଜ ହେଲାଣି
ଲଗାଇ ସ୍ନୋ ପାଉଡର ଅତର ।
ମୋହିନୀ ସହର ଦେଖାଇ ଅଙ୍ଗୀଭଙ୍ଗୀ
ଛଡାଇ ନେଲାଣି ଆପଣଙ୍କୁ
ଅଣ୍ଟା ଭିଡୁଛି ଗାଁ ଏବେ
ଫେରାଇ ଆଣିବ ସଭିଙ୍କୁ ।
ଚିକ୍ ଚିକ୍ କରୁଛି ଗାଁ ଦାଣ୍ଡ
ଦୁଇପଟେ ଛିଡ଼ା ଅଟ୍ଟାଳିକା
ସହରୀ ବାବୁଙ୍କ ଆଖି ଝଲସିବ
ଚାହିଁଥିବେ ହୋଇ ବୋକା ।
ପିଠା ପଣା ସବୁ ରଙ୍ଗ ବଦଳେଇ
ଡାଇନିଂରେ ସଜା ହୁଅନ୍ତି
କାଠଚୁଲି ଆଉ ପଲମ ଯାଗାରେ
ମାଇକ୍ରୋଓଭାନ୍ ରେ ପଶନ୍ତି ।
ଭାଗବତ ଟୁଙ୍ଗୀ ବନ୍ଦ ହୋଇ
କ୍ଲବ ଘରମାନ ଖୋଲିଚି
ପୋଥି ପୁରାଣ ବନ୍ଦ ହୋଇ
ଡିଜେ ନାଚଗୀତ ଚାଲୁଚି ।
ଦେଖିବା ଏଥର ସହର ଫୁଲେଇ
ଗାଁ ଲୋକଙ୍କୁ କେମିତି ଟାଣୁଚି
ସହର ସୁନ୍ଦରୀ ଡାଳେ ଡାଳେ ଗଲେ
ଗାଁ ଏବେ ପତ୍ରେ ପତ୍ରେ ଯାଉଚି ।।।
ପଦ୍ମାଳୟା