ମାଆର କଥା

ମାଆର କଥାଟି ମାଆର ଭାଷାଟି ସବୁଠୁ ମଧୁରତମ

ଫିଟିଯାଏ କେତେ ଆବେଗର ଝର ଛୁଇଁ ଅନ୍ତରର କୋଣ ।

ମାଆର କଥାଟି ଶିଖେଇଛି ସିନା ବୁଝିବାକୁ ଦୁନିଆକୁ

ପ୍ରେମ ,ପ୍ରତାରଣା ଛଳନାର ଭାଷା ଚିହ୍ନିବାକୁ ଜାଣିବାକୁ ।

ମନ ଖୋଲା କଥା ମାଆର ଭାଷାରେ କହିବାକୁ ଲାଗେ ଭଲ

ଭାରୀ ଭଲ ଲାଗେ ଶୁଣିବାକୁ ପଦେ କଥା ମୋ ମାଆ ମନର ।

ଯୋଉ ଦେବୀଟି ମୋ ମନରେ ପୂଜିତା ସେଇତ ମୋର ମାଆ

ଚିର କଲ୍ୟାଣୀ ମାଆର କଥାଟି ଛୁଇଁଯାଏ ମୋର ହିଆ ।

ଶିଖିଛି ଅନେକ ଭାଷା ମୁଁ ଜୀବନେ ପଢିଛି କେତେ କାହାଣୀ

ମାଆର ଭାଷାଟି ସେ ସବୁ ଭିତରେ ସତେ କି ମଉଡମଣି ।

ମନେ ପଡେ କେତେ ଅତୀତର କଥା ଏଇ ଜୀବନର ଗପ

ମାଆର ଭାଷାଟି ଜଳୁଛି ଅନ୍ତରେ ସତେ କି ଅଖଣ୍ତ ଦୀପ ।

ମାଆ ଶିଖେଇଥିବା ଭାଷାର ତୁଳନା ଅବା କାହିଁ !!