ବେସୁରା ଗୀତି-୭୩୩
ବେସୁରା ଗୀତି-୭୩୩
କାହିଁକି ଆସିଲ ବର୍ଷା ଗୋ ତୁମେ
ଥରେ ଆଜି କହିଦିଅ
କହିଥିଲି ପରା ସୁଖରେ ଅଛି ମୁଁ
ଶୁଖିଛି ମୋ ଆଖି ଲୁହ ॥
ସାଇତି ଥିଲି ମୁଁ ଗଜରା ର ମାଳା
ପାଖୁଡା ଗଲାଣି ଝଡି
ତୁମର ସ୍ଵାଗତ କରିବି କେମିତି
ହାତେ ଧରି ଆଶାବାଡି ॥
ଅନ୍ଧାର ରେ ଅନ୍ଧ ହୋଇ ମୁଁ ଯାଇଛି
ଜୀବନକୁ ନାହିଁ ଭୟ
ଦେଖ କେଉଁ ପରି ମରି ମରି କରେ
ବଞ୍ଚିବା ର ଅଭିନୟ ॥
ହାତ ଗଢା ମୋର ଜତୁ ଗୃହ ଗୋଟି
ଭୁଷୁଡି ପଡିଛି ଆଜି
ଲୋଡୁନି ମୁଁ ତୁମ ଶୀତଳ ପରଶ
ଜୀବନ ଲଗାଇ ବାଜି ॥
ହଜି ଯାଇ ଅଛି ଆଖି ରୁ ସପନ
କି କହିବି ଆଉ କୁହ
ସେଇଥି ବର୍ଷା କୁହେ ମୁଁ ତୁମକୁ
ଫେରିଯାଅ ଫେରିଯାଅ ॥