ବହୁମୂଲ୍ୟ ପ୍ରେମ-୨
ବହୁମୂଲ୍ୟ ପ୍ରେମ-୨
1 min
6.7K
ପ୍ରେମ ନୁହେଁ ଅଦିନିଆ ବର୍ଷା
ଯେ ବରଷେ ପୁଣି ରହିଯାଏ I
ପ୍ରେମ ନୁହେଁ ପୂର୍ଣ୍ଣିମା ର ଚନ୍ଦ୍ରମା
ଯେ ଦିଶେ ପୁଣି ଲୁଚିଯାଏ I
ପ୍ରେମ ନୁହେଁ ପ୍ରଭାତର ଭାସ୍କର
ଯେ ଉଦୟ ହୋଇ ଅସ୍ତାଚଳେ ଚାଲିଯାଏ I
ପ୍ରେମ ନୁହେଁ ଶୀତଳ ସମୀର
ଯେ ବହେ ପୁଣି ଥମି ଯାଏ I
ପ୍ରେମ ନୁହେଁ ନିଃଶବ୍ଦ ରଜନୀର ସ୍ଵପ୍ନ
ଯେ ଅବାସ୍ତବ ହୋଇ ବାସ୍ତବ କୁ ଖୋଜୁଥାଏ I
ପ୍ରେମ ନୁହେଁ ସୁନୀଳ ଆକାଶର ବିହଙ୍ଗ
ଯେ ଡାଳେ ବସେ ପୁଣି ଉଡିଯାଏ I
ପ୍ରେମ ନୁହେଁ ହୋଲି ପର୍ବର ରଙ୍ଗ
ଯେ ଦେହେ ଲାଗେ ପୁଣି ଛାଡିଯାଏ I
ପ୍ରେମ... , ପ୍ରେମ ଅଟେ ସ୍ପନ୍ଦନ ଗୋଟିଏ ଦୁଇ ହୃଦୟର !
ଯିଏ ଚାଲେ ତ ଜୀବନ ,
ଯଦି ରୁହେ ଆତ୍ମା-ଶରୀର ଛାଡିଦିଏ I
ଯଯାତି ଜେନା
ଭୁବନେଶ୍ଵର-୧୬