ଏ ସମାଜ ପାଇଁ ବଞ୍ଚିଅଛୁ ଆମେ

ଏ ସମାଜ ପାଇଁ ବଞ୍ଚିଅଛୁ ଆମେ

 

ପର୍ଶୁରାମ ବିଶ୍ୱାଳ

 

ହଲିଲା ପାଣିରେ ଗୋଡ଼ ପୁରାଏନା, ମ କହେନା ମୁଁ ମାଛିକୁ

କିଏ ଭାସିଗଲା, କିଏ ରୁଷିଗଲା, ମୋର କି ଧଅ ପଡ଼ିଚି

ଏ ଭାବନା ଗୋଟି ଭୁଲ୍ ରେ ଜଗା

ଆଜି ମୁଁ ବୁଝିପାରିଛି ।

 

ରୋଗରେ ପଡ଼ିଲି, ମୋର ସାଇଲୋକ ଟୋକେଇରେ ନେଲେ ବୋହି

ଡାକ୍ତରଖାନାରେ କେତେ ସେବା କଲେ, ତାହା କି ଭୁଲି ପାରଇ

ପଇସା ନଥିଲା, ହାତୁ ଦେଲେ ଟଙ୍କା

ଆଜି ସେକଥା ଭାବୁଛି ।

 

ଶିବ ମନ୍ଦିରକୁ ଯାଉଥିଲା ପୁଅ, ପାଣି ଭାର ଗୋଟି ନେଇ

ଗାଡ଼ି ଧକ୍କା ଦେଲା, ରାସ୍ତାରେ ପଡ଼ିଲା, ଲୋକେ ନେଲେରେ ଉଠେଇ

ଅଜଣା ଅଚିହ୍ନା ହେଇ ଯାହା କଲେ

ଭୁଲିବିନି ଥିବି ବଞ୍ଚି ।

 

କା’ର ଭଲମନ୍ଦ କାମରେ ଦିନେ ମୁଁ ଲାଗିନାହିଁରେ ଠାକୁର

ଗାଆଁ ରାସ୍ତା ଗାଆଁ ପୋଖରୀ ସଫା ମୁଁ ରଖିନାହିଁରେ ଖବର

ଆଜିଠାରୁ ସବୁ କାମେ ଭାଗନେବି

ତୋ ଆଗେ ସତ କହୁଛି ।

 

ମୋ ଭଳି ସ୍ୱାର୍ଥୀ ମଣିଷକୁ ଜଗା କହିବୁ ଟିକେ ବୁଝେଇ

ଏ ସମାଜ ପାଇଁ ବଞ୍ଚିଅଛୁ ଆମେ, ତାକୁ ଯିବାନି ଏଡ଼ାଇ

ତା ପାଇଁ କରିବା କାମ ମିଳିମିଶି

ନିଜ ସ୍ୱାର୍ଥଟି ମରୁଛି ।

 

ଗ୍ରା.-ମିତ୍ରସେନପୁର, ପୋ.ଅ.-ଗମୁଁ

ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪

ଫୋନ୍-୯୮୫୩୭୫୯୭୦୦

*****