ପ୍ରତାରିତ ପ୍ରେମ

କହିଥିଲ ତମେ ଗଢ଼ିଦେବା ଆମେ

ଛୋଟ ଏକ ପ୍ରେମ ଘର

ଗଢି ସାରି ଘର କରିଦେଲ ପର

ସାଜି ପୁଣି ସ୍ୱାର୍ଥପର ।

କରି ମୋତେ ଏକା ଦେଇଗଲ ଧୋକା

ଥିଲା ମୋର କେଉଁ ଦୋଷ

କରି ତୁମେ ପ୍ରେମ କଲ ବଦନାମ

ବିଶ୍ୱାସରେ ଦେଇ ବିଷ ।

ହସୁଅଛ ଆଜି ସୁହାଗିନୀ ସାଜି

ମୋ ଆଖିରେ ଦେଇ ଲୁହ

କରି ପ୍ରତାରଣା କଲ ବାଟବଣା

କେମିତି ପ୍ରିୟା ଗୋ କୁହ ।

ପ୍ରେମଟା ନିଷ୍ଠୁର ଦେଲାଯେ ଜହର

ସାଜିଲି ମୁଁ କଳଙ୍କିତ

ହୃଦୟରେ ମୋର ତୋଳିସାରି ଘର

କଲା ମୋତେ ପ୍ରତାରିତ।

******

ପ୍ରଶାନ୍ତ କୁମାର ନାଥ

ସୁନ୍ଦରପୁର,ଉତ୍ତରକୂଳ ହାଟ୍, ପ୍ରୀତିପୁର,ଯାଜପୁର

ମୋ-୮୮୯୨୩୦୧୧୪୩