ଫଗୁଣ ତୁମେ ଚାଲି ଯାଅନା
ଫଗୁଣ ତୁମେ ଚାଲି ଯାଅନା
ଅନେକ ମାସ ପରେ ଶେଷରେ ,
ଆସିଛ ତୁମେ ଏବେ ବହୁ ଦିନ ପରେ ,
କେତେ କେତେ କଷ୍ଟ ଆଉ ଦୁଃଖ ପରେ ,
ଏବେ ତ ଆସିଲ ଫୁଟାଇ ହସ ଅଧରରେ ,
ତୁମେ କି ସବୁ କିଛି ବୁଝି ପାରୁନା ,
ହେ "ଫଗୁଣ ତୁମେ ଚାଲି ଯାଅନା "।
ତୁମ ପ୍ରତୀକ୍ଷାରେ ରହି ରହି,
ସବୁ ବେଦନାକୁ ବୁକୁରେ ଚାପି ଦେଇ ,
କେତେ କୋହ କେତେ ଲୁହ ଯାଇଛି ବହି ,
ଖାଲି ତୁମ ଭରସା ରେ ଏ ମନ ଥିଲା ରହି ,
ତୁମ ଆସିବାରେ ଆଜି ମନେ ବାଜଇ ବାଜଣା ,
ହେ" ଫଗୁଣ ତୁମେ ଚାଲି ଯାଅନା "।
ତୁମେ ତ ଆସିଲ ଏବେ କାହିଁ ଲୁଚି ଥିଲ ,
ସଭିଙ୍କ ମନରେ ଦେଖ ଖୁସି ଭରିଦେଲ ,
ତୁମ ପରସେ ମନକୁ ଯେ ଉଲ୍ଲସିତ କଲ ,
ସତେଜତା ର କେତେ ମନ୍ତ୍ର କି ଫୁଂକିଲ ,
ଚଉଦିଗେ ଦୃଶ୍ୟ ହୁଏ ଖାଲି ସବୁଜିମା ,
ହେ "ଫଗୁଣ ତୁମେ ଚାଲି ଯାଅନା "।
ଗଛ ଲତା ନଦୀ ନାଳ ପରବତ ସବୁ ,
ତୁମ ଆଗମନେ କହନ୍ତି,ନାଚି ନାଚି ଯିବୁ ,
ଆମ୍ର ବ୍ରୁକ୍ଷେ ଏବେ ତା ଫଳ ଦେଖିବୁ ,
ତା ମହକେ ସୁବାସିତ ହେବ ଚଉଦିଗ ସବୁ ,
ଏ ସବୁ କୁ କି କିଛି ତୁମେ ଏବେ ବୁଝି ପାରୁନା ,
ହେ "ଫଗୁଣ ତୁମେ ଚାଲି ଯାଅନା "।
ଧରା ରାଣୀ ରୁଷି ଥିଲା ଚୁପି ଚୁପି କାନ୍ଦୁଥିଲା ,
ତୁମକୁ ଆସିବା ଦେଖି ସେ ତ ଏବେ ଶାନ୍ତ ହେଲା ,
ଭାବିଲା ଏବେ ତାର ସବୁ କଷ୍ଟର ଦିନ ଗଲା ,
ଖୁସି ଖୁସି ତୁମ ପାଇଁ ସେ ନିଜକୁ ସଜେଇଲା ,
ତା ରୂପ କି ତୁମେ ଏବେ ଦେଖି ପାରୁନା ,
ହେ "ଫଗୁଣ ତୁମେ ଚାଲି ଯାଅନା " ।
ଏତେ ସବୁ ଦେଖି ସଭିଙ୍କ ମନ ଭରି ଗଲା ,
ଖୁସି ଓ ଆନନ୍ଦେ କେତେ କେତେ ବାଦ୍ୟ ବାଜିଲା ,
ମନୁ ହିଂସା କପଟ ଧର୍ମାନ୍ଧ ର ଭାବ ଦୂର ହେଲା ,
ଫଗୁ ଖେଳି କେତେ ରଙ୍ଗେ ସବୁ ତନୁ ଏକ ହେଲା ,
ଏ ତ ତୁମରି ସ୍ୱାଗତ ତୁମେ କି ଦେଖି ପାରୁନା ,
ହେ "ଫଗୁଣ ତୁମେ ଚାଲି ଯାଅନା " ।
ତୁମେ ତ ଵସନ୍ତ ର ଅଂଶ ,ବିଧତାର ଦାସ ,
ପକୃତି ବି ଅଟେ ତାଙ୍କ ଏକ ଅଂଶ ବିଶେଷ ,
ପକୃତି ପାଇଛି ଏବେ ତୁମ ପ୍ରେମ ପରସ ,
ଲାଜେ ଲାଜେ ଖେଳି ଦିଏ ଚୁପି ଚୁପି ହସ ,
କେମିତି ସହିବ ସେ ତୁମ ବିରହ ବେଦନା ,
ହେ "ଫଗୁଣ ତୁମେ ଚାଲି ଯାଅନା "।