ସ୍ମୃତି ସିନ୍ଧୁକ
ସ୍ମୃତି ସିନ୍ଧୁକ
1 min
6.4K
ଖୋଲିଦେଲି ଯେବେ ସ୍ମୃତିର ସିନ୍ଧୁକ
ଆଖି ଗଲା ଜଳେ ପୁରି
ସୁଖ ଦୁଃଖ ଦୁହେଁ ବାହୁକୁ ବିସ୍ତାରି
ନେଲେ ମୋ ମନ ଆବୋରି ।
ଏକ ନୟନରୁ ଝରୁଥିଲା ଖୁସି
ଅନ୍ୟରୁ ଦୁଃଖର ବନ୍ୟା
କିଏ କହୁଥିଲା ଅବିବେକି ବୋଲି
କିଏ କହିଲା ଅନନ୍ୟା ।
ଖେଳ ଖେଳୁଥିଲେ ଲୁଚକାଳି ପୁଣି
କବାଡି ଖୋ ଖୋ ସପନ
ହୃଦୟ ଥିଲା କେବେ ଶାନ୍ତ ଜଳଧି
ଜୁଆର କଲା ଉଛନ ।
ସ୍ମୃତି ଆଇନାରେ ଦେଖାଗଲେ କିଛି
ଚିହ୍ନା ଅଚିହ୍ନା ପଥିକ
କିଛି ଚାଲିଗଲେ ପର କରିଦେଇ
କେ ଦେଇଗଲା ସନ୍ତକ ।
ଓଠଧାରେ କିଛି ହସକୁ ସାଉଁଟି
ବୁଜିଲି ସ୍ମୃତି ସିନ୍ଧୁକ
ପଚାରିଲା ମତେ ପାଗଳ ହୃଦୟ
ପାଇଲୁ ସ୍ମୃତି ଆଲୋକ.... ?
....... ପଦ୍ମାଳୟା