ଯାଇଥିଲି କ୍ରିକେଟ ଖେଳ ଦେଖି
ଯାଇଥିଲି କ୍ରିକେଟ ଖେଳ ଦେଖି
ମୁଁ ଯାଇଥିଲି ଦିନେ
କ୍ରିକେଟ ଖେଳ ଦେଖି
ଲୋକଙ୍କ ଭିଡ ଦେଖି
ଆଖି ହୋଇଗଲା ଯୋଖି||
ମନେ ମନେ ଭାବୁଥିଲି
ଅନଲାଇନ ଟିକେଟ କରିଛି
ମନଭରି ଦେଖି ଆସିବି
ଟ୍ୱେନଟି ଟ୍ୱେନଟି ମ୍ୟାଚ ପଡିଛି||
ବାରବାଟୀ ରେ ଅଜସ୍ର ଭିଡ଼
ତ୍ରିରଙ୍ଗା ମୁଖେ ଅଙ୍କିଛନ୍ତି
ଦୋକାନ ବଜାର ଭିଡ଼
ସର୍ବେ ଚିତ୍ର ବିଚିତ୍ର ହୋଇଛନ୍ତି ||
ବ୍ଲାକରେ ଟିକେଟ ମିଳୁଛି
ଏଠି ତିନିଗୁଣା ଦାମରେ
ଦେଭାଇ ମୋତେ ଟିକେଟ
କହକେତେ ଟଙ୍କାତୁ ନେବୁରେ||
ଚାରିଘଣ୍ଟା ଧାଡିରେ ରହି
ଅଣ୍ଟା ପିଠି ଆଉ ଚଳୁନି
କ୍ରିକେଟ ଦେଖାର ମଜା
ଏଇଠୁ ଦେଖା ଗଲାଣି ||
ଷ୍ଟାଡିଅମକୁ ଗଲାପରେ
ଭାବିଲି ସପନ ସାର୍ଥକ ହେଲା
ତେନ୍ଦୁଲକରକୁ ଦେଖିବି ବୋଲି
ମନରେ ବହୁତ ଆଶା ଥିଲା ||
କ୍ରିକେଟର ମାନେ ସମସ୍ତେ
ଆଖିକୁ ଦିଶିଲେ ପିମ୍ପୁଡି ଭଳି
କାହାକୁ ଚିନ୍ହିବି ମୁଁ ଯେ କୁହ
ଟିଭି ତାଠୁଭଲ ମନେହେଲି ଭାଳି||
କ୍ରିକେଟ ଖେଳ ମୋର ପ୍ରିୟ
ଟିଭି ରେ ସବୁଦିନ ଦେଖିବି
ଷ୍ଟାଡିଅମ ଯିବିନି କେବେ
ଗୃହେ ରହି ଆନନ୍ଦ ପାଇବି||