ସପନେ ଆସୁଛ କାହିଁ

ଭୁଲିଗଲ ତୁମେ ପ୍ରେମକୁ ମୋହର

ଅଧବାଟେ ଛାଡ଼ିଦେଇ

ଯଦି ଅବା ଗଲ ସପନେ ମୋହର

ଆସୁଅଛ ପୁଣି କାହିଁ ।

ସବୁ ବାସ୍ତବତା ସ୍ୱପ୍ନ ହୋଇ ଏବେ

ଜଳେଇ ମାରୁଛି ମୋତେ

ତୁମଠୁଁ ଦୁରେଇ ରହିବି ଭାବିଲେ

ସ୍ୱପ୍ନରେ ଆସୁଛ ସେତେ ।

ପୁଣିଥରେ ଆସି ପାଖରେ ବସୁଛ

ମୋଦେହ ଦେଉଛ ଛୁଇଁ

ଭଲପାଏ ବୋଲି ହସି ହସି ତୁମେ

କାନରେ ଦେଉଛ କହି ।

ସପନ ସରିଲେ ଶୂନ୍ୟତା ଭିତରେ

ଭାବନାରେ ଆସ ଧାଇଁ

ନିଜ ଅଜଣାଟେ ଦୁଇ ଆଖି ମୋର

ଲୁହ ଢାଳେ ତୁମ ପାଇଁ ।

କାଲି ଭିଜୁଥିଲି ପ୍ରେମରେ ତୁମର

ଆଜି ଭିଜେ ଆଖି ଲୁହେ

ତୁମରି ସପନ ତୁମରି ଭାବନା

ଆଜି ଭାରି କଷ୍ଟ ଦିଏ ।

*****

ପ୍ରଶାନ୍ତ କୁମାର ନାଥ

ସୁନ୍ଦରପୁର,ପ୍ରୀତିପୁର,ଯାଜପୁର

ମୋ୦୮୮୯୨୩୦୧୧୪୩-