କଳା କାଇଁଚ..?
କଳା କାଇଁଚ..?
ସିନ୍ଧୁସୂତା ପତି କାଳିଆ ଠାକୁର
ନିଳାଦ୍ରୀ ବିଜେ କରିଛ,
ନୀଳ ଆକାଶର ସବୁଜିମା ତଳେ
କେତେ ନାଟ ଦେଖୁଅଛ ॥
ପ୍ରେମ ସ୍ୱରୂପ ବ୍ୟଥାହାରୀ ତୁମେ
ପ୍ରେମ ବୃନ୍ଦାବନେ ବାସ,
ଅପରୂପ ତୁମେ କି ଉପମା ଦେବି
ରୂପ ମାଧୂରୀ ସୁବାସ ॥
ତୁମେ ସୁଖଦାତା ଜଗତର ପ୍ରାଣ
ତୁମେ ଦରଦୀ ଦୟାଲ,
ତୁମେ ନିତ୍ୟ ସୁଖ ଅନିତ୍ୟ ସଂସାରେ
ତୁମେ ଧ୍ୟେୟ ପ୍ରେମମୟ ॥
ସୁନ୍ଦର ସୁଠାମ ତୁମେ ମନୋରମ
ଅବତାରେ ଅବତରୀ,
ଶୟନେ ସପନେ ତୁମ ଛବି ଶ୍ରେୟ
ତୁମେ ଅନନ୍ତ ବିହାରୀ ॥
ତୁମେ ଯେ ସାଗର ମୁଁ ଅଟେ ତଟିନି
ତୁମେ ମୋ ରକତ ବିନ୍ଦୁ,
ତୁମେ ମୋର ଆଶା ତୁମେ ମୋ ଭରସା
ଲଂଘିକାକୁ ଦୁଃଖ ସିନ୍ଧୁ ॥
କାଢିନିଅ ମୋର ଗର୍ବ ଅହଂକାର
ଭରିଦିଅ ଭକ୍ତି ରସ,
ଜପି ତୁମ ନାମ ହୋଇବି ମୁଁ ଧନ୍ୟ
ରହି ନିତ୍ୟ ତୁମ ପାଶ ॥
------ଗୈରାଂଗ ଚରଣ ବେଉରା-----------
-----ଶିକ୍ଷକ, କୁଲିଆମାଲ ଉଚ୍ଚ ବିଦ୍ୟାଲୟ-----