ପହିଲି ବରଷା

ଝଡିବରଷାରେ କୁଆଡେ ଯାଉଛୁ

ଗୋଲାପି ଛତାକୁ ଧରି

ଗୋରାପାଦେ ତୋର ଅଳତାରଗାର

ଲିଭିଯିବ ଆଲୋ ଗୋରୀ ॥

ବରଷାର ଛିଟା ଦେହରେ ବାଜିଲେ

ଦେହତୋ ଯିବ ଶୀତେଇ

ପହିଲି ବରଷା ଜମା ଭଲନୁହେଁ

ଦୃଷ୍ଟପିଲାଟିଏ ସେଇ ॥

ମନେ ତୋର ନିଆଁ ଲଗାଇଦେବଲୋ

ଖୋଜିବୁ ପୀରତିଛୁଆଁ

ଜାଣିଥା ସଜନୀ ଦିବସରଜନୀ

ମନ ହେବ ଅମାନିଆ ॥

ଡଙ୍ଗାପରି ମନ ଭାସିଭାସି ଯିବ

ପ୍ରେମଦରିଆକୁ ତୋର

ଲାଜୁଆ ଲାଜୁଆ ଆଖି,ଓଠ,ମୁହଁ

ଭିଜୁଥିବେ ବାରମ୍ବାର ॥

ଶୁଣଲୋ ରୂପସୀ ନବୀନ ବୟସୀ

ହୁଅ ଟିକେ ସାବଧାନ

ବାହାରେ ଚାଲିଛି ଲଗାଣବରଷା

ଉଛୁଲା ତୋ ଯଉବନ ॥

ମୋକଥାକୁ ମାନି ଯାଅନି ସଜନୀ

ରହିଯା ଆଜି ମୋଘରେ

କାଲି ଚାଲିଯିବୁ ସକାଳୁ ସକାଳୁ

ବରଷା ଛାଡିବା ପରେ ॥

ଶରତ ଚନ୍ଦ୍ର ଜାଲି

💐💐ତା:୨୧/୭/୧୮💐💐